ആലപ്പുഴ: മീൻ കൃഷിക്കായി തയ്യാറാക്കിയ കുളത്തിലെ മോട്ടോറില്‍ നിന്നു ഷോക്കേറ്റ് യുവാവ് മരിച്ചു. ചെറുതനയില്‍ പാട്ടത്തിനെടുത്ത ഭൂമിയില്‍ സുഹൃത്തുക്കള്‍ക്കൊപ്പം മീൻ കൃഷി ചെയ്യുകയായിരുന്നു യുവാവ്.

ഹരിപ്പാട് പഴവീട് ചിറയില്‍ അഖില്‍ രാജ് (29) ആണ് മരിച്ചത്.

കഴിഞ്ഞ ദിവസം രാവിലെ സുഹൃത്തുക്കള്‍ക്കൊപ്പം മീൻ വളര്‍ത്തു കേന്ദ്രത്തിലെത്തിയ അഖിലിനു മോട്ടോര്‍ പ്രവര്‍ത്തിപ്പിക്കുന്നതിനിടെയാണ് ഷോക്കേറ്റത്. പിന്നാലെ അഖില്‍ മോട്ടോറിനു മുകളേക്ക് മറിഞ്ഞു വീഴുകയായിരുന്നു.

സുഹൃത്തുക്കള്‍ വൈദ്യുതി ബന്ധം വിച്ഛേദിച്ച്‌ അഖിലിനെ ഹരിപ്പാട് താലൂക്ക് ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.  

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്