തിരുവനന്തപുരം: ഓണം മദ്യവിൽപ്പനയുടെ കണക്കുകൾ പുറത്ത്. ഉത്രാട നാളിലെ മദ്യവിൽപ്പനയുടെ കണക്കുകളാണ് പുറത്ത് വന്നിരിക്കുന്നത്.

ബിവറേജസ് ഔട്ട്‌ലെറ്റുകളുടെ കാര്യത്തിൽ കൊല്ലം ജില്ലക്കാണ് ഒന്നാം സ്ഥാനം. കൊല്ലം ആശ്രമം ഔട്ട്‌ലെറ്റാണ് ആദ്യത്തേത്. ഈ കടയിൽ നിന്ന് 11 മണിക്കൂർ കൊണ്ട് വിറ്റത് 1 കോടി 15 ലക്ഷം നാൽപ്പത്തി ആയിരത്തി എണ്ണൂറ്റി എഴുപത് രൂപയുടെ (1,15,40,870) മദ്യം.

കരുനാഗപ്പള്ളിക്കാണ് രണ്ടാം സ്ഥാനം. 1,15,02,520 രൂപയുടെ മദ്യമാണ് വിറ്റത്. ഉത്രാട മദ്യവിൽപ്പനയിൽ ഏറെക്കാലം ഒന്നാമതായിരുന്ന ചാലക്കുടി ഇത്തവണ മൂന്നാം സ്ഥാനത്തേക്ക് പിന്തള്ളപ്പെട്ടു.

1,00,73,460 രൂപയുടെ മദ്യമാണ് വിറ്റത്. ഇരിങ്ങാലക്കുടയാണ് നാലാമത്തേത്. തിരുവനന്തപുരം പവർഹൗസ് ഔട്ട്‌ലെറ്റ് അഞ്ചാം സ്ഥാനത്തെത്തി. ഒരു കോടി 73,000 രൂപയുടെ മദ്യമാണ് ഇരിങ്ങാലക്കുടയിൽ വിറ്റത്.

പട്ടികയില്‍ 10-ാം സ്ഥാനത്തുള്ള കുണ്ടറ ഔട്ട്‌ലെറ്റില്‍ 85 ലക്ഷത്തിലേറെ രൂപയുടെ മദ്യം വിറ്റു. കഴിഞ്ഞ തവണത്തേക്കാള്‍ നാലുകോടിയുടെ അധിക വരുമാനമുണ്ടായതായി ബെവ്‌കോ അറിയിച്ചു

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്