ന്യൂഡൽഹി: മുല്ലപ്പെരിയാർ അണക്കെട്ടിന്റെ സുരക്ഷ പരിശോധിക്കുന്ന കേന്ദ്ര വിദഗ്ധസമിതിയിൽ കേരളത്തിന്റെ പ്രാതിനിധ്യം ഒഴിവാക്കിയ വിഷയത്തിൽ രാജ്യസഭയിൽ കൃത്യമായ മറുപടി നൽകാതെ കേന്ദ്ര സർക്കാർ. സി.പി.എം. അംഗം ജോൺ ബ്രിട്ടാസ് എം.പി ഉന്നയിച്ച നിർണായക ചോദ്യങ്ങൾക്കാണ് കേന്ദ്ര ജലശക്തി സഹമന്ത്രി രാജ്ഭൂഷൺ ചൗധരി നേരിട്ടുള്ള മറുപടി ഒഴിവാക്കി പരോക്ഷമായ വിശദീകരണം നൽകിയത്.
കേരളത്തിന്റെ പ്രതിനിധിയെ സമിതിയിൽ നിന്ന് മാറ്റുന്നതിന് മുൻപ് സംസ്ഥാന സർക്കാരുമായി കൂടിയാലോചിച്ചിരുന്നോ എന്ന ചോദ്യത്തിന് 'അതെ' എന്നോ 'അല്ല' എന്നോ മറുപടി നൽകാൻ കേന്ദ്ര മന്ത്രി തയ്യാറായില്ല. നിലവിലുണ്ടായിരുന്ന വിദഗ്ധൻ വ്യക്തിപരമായ കാരണങ്ങളാൽ സ്ഥാനം ഒഴിയാൻ സന്നദ്ധത അറിയിച്ചതിനാലാണ് പുതിയൊരാളെ നാമനിർദേശം ചെയ്യാൻ കേരളത്തോട് ആവശ്യപ്പെട്ടതെന്നാണ് മന്ത്രി സഭയെ അറിയിച്ചത്.
വിദഗ്ധസമിതിയിലെ നിലവിലെ അംഗങ്ങൾ ഏത് സംസ്ഥാനങ്ങളിൽ നിന്നുള്ളവരാണെന്ന ചോദ്യത്തിനും കൃത്യമായ വിവരങ്ങൾ കേന്ദ്രം നൽകിയില്ല. പകരം അംഗങ്ങളുടെ പേരുകളും ഔദ്യോഗിക പദവികളും അവർ ജോലി ചെയ്യുന്ന സ്ഥാപനങ്ങളുടെ വിവരങ്ങളും മാത്രമാണ് നൽകിയത്.
കേന്ദ്ര ജല കമ്മിഷൻ മുൻ ചീഫ് എഞ്ചിനീയർ ടി.കെ. ശിവരാജനായിരുന്നു സമിതിയിലെ കേരളത്തിന്റെ ഏക പ്രതിനിധി. എന്നാൽ സംസ്ഥാന സർക്കാരിനെ അറിയിക്കാതെ ഇദ്ദേഹത്തെ സമിതിയിൽ നിന്ന് ഒഴിവാക്കുകയും, പകരം ഉത്തർപ്രദേശിൽ നിന്നുള്ള വിദഗ്ധനെ നിയമിക്കുകയും ചെയ്തത് വലിയ പ്രതിഷേധത്തിന് ഇടയാക്കിയിരുന്നു.
തമിഴ്നാടിന്റെ നീക്കം: കേന്ദ്ര സമിതിയിൽ നിന്ന് ഒഴിവാക്കപ്പെട്ട ടി.കെ. ശിവരാജനെ, തമിഴ്നാടിനുള്ളിലെ അണക്കെട്ടുകളുടെ സുരക്ഷാ പരിശോധനയ്ക്കായി അവിടുത്തെ സംസ്ഥാന സർക്കാർ രൂപീകരിച്ച ആഭ്യന്തര വിദഗ്ധസമിതിയിൽ ഉൾപ്പെടുത്തിയിട്ടുണ്ട്.
മുല്ലപ്പെരിയാർ സുരക്ഷയുമായി ബന്ധപ്പെട്ട പ്രധാന സമിതിയിൽ കേരളത്തിന്റെ പ്രതിനിധിയെ നിയമിക്കുന്നത് വൈകുന്നതും, കൂടിയാലോചനകൾ നടക്കുന്നില്ലെന്ന ആരോപണവും വരും ദിവസങ്ങളിൽ കൂടുതൽ രാഷ്ട്രീയ ചർച്ചകൾക്ക് വഴിവെച്ചേക്കും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201113033757.jpg)
-20201019090746.jpg)
-20260728033050.jpg)
-20260728030512.jpg)
-20260119112533.webp)
