കണ്ണൂരിൽ അമിതവേഗത്തിലെത്തിയ ബസ് രണ്ട് വിദ്യാർത്ഥിനികളെ ഇടിച്ച് തെറിപ്പിച്ചു; ഒരാളുടെ നില അതീവ ഗുരുതരം

SEPTEMBER 24, 2026, 3:11 AM

കണ്ണൂർ: അമിതവേഗതയിലെത്തിയ ബസ് വിദ്യാർത്ഥികളെ ഇടിച്ചു തെറിപ്പിച്ചു.വടകര റൂട്ടിലോടുന്ന ഐവാൻ ബസാണ് അപകടമുണ്ടാക്കിയത്. കുട്ടികളുടെ ശരീരത്തിലൂടെ ബസ് കയറിയിറങ്ങുകയായിരുന്നു.സ്വകാര്യ സ്ഥാപനത്തിലെ വിദ്യാർത്ഥികളായ ആവണി, സ്നേഹ എന്നിവർക്കാണ് പരിക്കേറ്റത്.

കണ്ണൂർ താവക്കരയിൽ രാവിലെ ഒൻപതിനായിരുന്നു അപകടമുണ്ടായത്. വളരെ വേഗത്തിൽ വളവ് തിരിഞ്ഞുവന്ന ബസാണ് വിദ്യാർത്ഥികളെ ഇടിച്ചുവീഴ്ത്തിയത്.സംഭവത്തിൽ ഡ്രൈവർ ആദർശിനെ കസ്റ്റഡിയിലെടുത്തു. കണ്ടക്ടറെയും പൊലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്.

ഓടിക്കൂടിയ നാട്ടുകാരും പൊലീസും ചേർന്നാണ് പരിക്കേറ്റ കുട്ടികളെ ആശുപത്രിയിലെത്തിച്ചത്.ഇവരിൽ ഒരാളുടെ നില അതീവ ഗുരുതരമാണ് എന്നാണ് ആശുപത്രിയിൽ നിന്ന് ലഭിക്കുന്ന വിവരം.