ഞാൻ അടിയുറച്ച ലീഗുകാരനെന്ന് അബ്ദുറഹ്മാൻ രണ്ടത്താണി

MARCH 18, 2026, 11:46 PM

മലപ്പുറം: ലീഗിൽ തുടരുമെന്ന് മാധ്യമങ്ങളോട് വ്യക്തമാക്കി മുസ്ലിംലീഗ് നേതാവ് അബ്ദുറഹ്മാൻ രണ്ടത്താണി.

നേതൃത്വത്തോട് ഇടഞ്ഞ് എൽഡിഎഫ് സ്ഥാനാർഥിയായി മത്സരിക്കാൻ ഇറങ്ങിയതോടെയാണ് അബ്ദുറഹ്മാൻ രണ്ടത്താണിയെ അനുനയിപ്പിക്കാനുള്ള നീക്കം മുസ്ലീം ലീഗ് ആരംഭിച്ചത്.

കൂടിക്കാഴ്ചയ്ക്കായി സാദിഖലി ശിഹാബ് തങ്ങൾ രണ്ടത്താണിയെ പാണക്കാട്ടേക്ക് വിളിപ്പിച്ചിരുന്നു. ലീഗ് പ്രാദേശിക നേതാക്കളെ രണ്ടത്താണിയിലെ വീട്ടിലേക്ക് അയച്ചാണ് സാദിഖലി തങ്ങൾ അബ്ദുറഹ്മാൻ രണ്ടത്താണിയെ വിളിപ്പിച്ചത്.

തൻ്റെ പ്രയാസങ്ങളെല്ലാം കഴിഞ്ഞ ദിവസം ലീഗ് നേതൃത്വത്തെ അറിയിച്ചുവെന്ന് അബ്ദുറഹ്മാൻ രണ്ടത്താണി വ്യക്തമാക്കി. നേതൃത്വത്തിൽ വലിയ വിശ്വാസമുണ്ട്.

പ്രശ്നങ്ങൾ കൂടുതൽ നേതാക്കളെ അറിയിക്കും. പാണക്കാട്ടേക്ക് പോകാൻ ആരും ക്ഷണിക്കേണ്ടതില്ല. എനിക്ക് വേണ്ടി എൽഡിഎഫ് സീറ്റുകൾ ഒഴിച്ചിട്ടു. എന്നാൽ താൻ അടിയുറച്ച ലീഗുകാരനാണ്. പാർട്ടിയിലെ ആഭ്യന്തര വിഷയങ്ങളാണ് പറഞ്ഞത്. അഭിപ്രായം പ്രകടിപ്പിക്കാൻ സോഷ്യൽ മീഡിയ അടക്കമുള്ള ഏതു മാർഗവും സ്വീകരിക്കുമെന്നും അബ്ദുറഹ്മാൻ രണ്ടത്താണി പറഞ്ഞു.