കുട്ടനാട്: അർജന്റീന സ്വദേശിനിയായ വിനോദസഞ്ചാരിയുടെ പണം കവർന്ന കേസിൽ ഹൗസ് ബോട്ട് ജീവനക്കാരൻ പൊലീസ് പിടിയിലായി. തകഴി സ്വദേശിയായ കെ. അഭിലാഷ് (40) നെയാണ് നെടുമുടി പൊലീസ് അറസ്റ്റ് ചെയ്തത്. വിനോദസഞ്ചാരിയുടെ ബാഗിൽ സൂക്ഷിച്ചിരുന്ന 1600 ഡോളറാണ് ഇയാൾ അപഹരിച്ചത്.
ചമ്പക്കുളത്തെ ഒരു റിസോർട്ടിന്റെ കീഴിലുള്ള ഹൗസ് ബോട്ടിലാണ് സംഭവം നടന്നത്. അർജന്റീനയിൽ നിന്ന് എത്തിയ 15 അംഗ സംഘത്തിലെ ഒരാളായിരുന്നു പണം നഷ്ടപ്പെട്ട യുവതി. കഴിഞ്ഞ 21-ാം തീയതി വൈകുന്നേരം ബോട്ട് നിർത്തിയ ശേഷം സംഘം നീന്തൽക്കുളത്തിലേക്ക് പോയ സമയമാണ് പ്രതി അവസരമായി ഉപയോഗിച്ചത്.
മോഷണം മുൻകൂട്ടി ആസൂത്രണം ചെയ്തതാണെന്ന് അന്വേഷണത്തിൽ വ്യക്തമായി. ബോട്ടിലെ സിസിടിവി സംവിധാനം പ്രവർത്തനരഹിതമാക്കി, തുടർന്ന് മുറിയിലേക്ക് കയറി ബാഗിൽ നിന്നാണ് പണം എടുത്തത്. സംഭവത്തെ തുടർന്ന് വിനോദസഞ്ചാരികൾ ഉടൻ തന്നെ നെടുമുടി പൊലീസ് സ്റ്റേഷനിൽ പരാതി നൽകി. തുടർന്ന് ബോട്ടിലെ ജീവനക്കാരെ കേന്ദ്രീകരിച്ച് പരിശോധന നടത്തി. അമ്പലപ്പുഴ ഡിവൈ.എസ്.പി കെ. രാജേഷിന്റെ മേൽനോട്ടത്തിലാണ് അന്വേഷണം പുരോഗമിച്ചത്.
ചോദ്യം ചെയ്യലിനിടെ പ്രതി കുറ്റം സമ്മതിക്കുകയും, ഒളിപ്പിച്ചു വച്ചിരുന്ന പണം പൊലീസ് വീണ്ടെടുക്കുകയും ചെയ്തു. നെടുമുടി സി.ഐ എം.എ. ബിനോയ്, എസ്.ഐ വി.പി. സുധി എന്നിവരും അന്വേഷണ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260326080717.jpg)
-20260326074717.jfif)
-20260326072040.jpg)
-20201002124553.jpg)
1-20260326064254.jpg)
-20201002124553.jpg)
