കണ്ണൂര്: ദിവസങ്ങള് നീണ്ട തെരച്ചിലിനൊടുവില് പോലീസ് പിടിയിലായിട്ടും സര്ക്കാരിനും പോലീസിനുമെതിരായ പരിഹാസവും പ്രകോപനവും തുടര്ന്ന് അര്ജുന് ആയങ്കി. വൈദ്യപരിശോധനയ്ക്ക് വിധേയമാക്കി തിരികെ കൊണ്ടുവരുന്നതിനിടെ 'കടലില് കാണാതായവരെ കിട്ടിയോ?' എന്ന് പരിഹസിച്ചാണ് ഇയാള് മാധ്യമങ്ങള്ക്ക് മുന്നിലൂടെ കടന്നുപോയത്. വളപട്ടണം പോലീസിന്റെ സമഗ്രമായ അന്വേഷണത്തിനൊടുവില് തളിപ്പറമ്പിലെ അഭിഭാഷകയുടെ ഫ്ലാറ്റില് നിന്നാണ് ഞായറാഴ്ച പുലര്ച്ചെ അര്ജുന് പിടിയിലായത്.
അഭിഭാഷകയെ കാണാനായി ഓട്ടോറിക്ഷയില് എത്തിയ അര്ജുനെ കുറിച്ച് സംശയം തോന്നിയ ഡ്രൈവര് വിവരം പോലീസിനെ അറിയിക്കുകയായിരുന്നു. വിവരം ലഭിച്ച ഉടന് സ്ഥലത്തെത്തിയ പോലീസ് ഓടിച്ചിട്ടാണ് ഇയാളെ സാഹസികമായി കീഴടക്കിയത്. അറസ്റ്റിന് ശേഷം പോലീസ് സ്റ്റേഷനിലെത്തിച്ച പ്രതി യാതൊരു ഭയവുമില്ലാതെ സ്വാഭാവികമായി പത്രവായനയില് ഏര്പ്പെടുകയും ചെയ്തു. ശനിയാഴ്ചയോടെ കണ്ണൂര് ടൗണിലെത്തിയ ഇയാളെ കൃത്യമായ നിരീക്ഷണത്തിലൂടെയാണ് വളപട്ടണം പോലീസ് വലയിലാക്കിയത്.
സംസ്ഥാനത്തിനകത്തും പുറത്തുമായി പോലീസിന്റെ കണ്ണുവെട്ടിച്ച് ഒളിവില് കഴിയുകയായിരുന്നു അര്ജുന് ആയങ്കി. വാഹനങ്ങള് അടിക്കടി മാറ്റിയും മൊബൈല് ഫോണ് ലൊക്കേഷന് വഴിതെറ്റിച്ചുമാണ് ഇയാള് അന്വേഷണ സംഘത്തെ വലച്ചത്. കഴിഞ്ഞ ദിവസങ്ങളില് തൃശ്ശൂരില് ഉണ്ടെന്ന വിവരത്തിന്റെ അടിസ്ഥാനത്തില് തെരച്ചില് നടത്തിയെങ്കിലും കണ്ടെത്താനായിരുന്നില്ല. ഒളിവില് കഴിയുമ്പോഴും സമൂഹമാധ്യമങ്ങള് വഴി പ്രകോപനപരമായ സന്ദേശങ്ങള് പ്രചരിപ്പിക്കുന്നത് ഇയാള് തുടര്ന്നിരുന്നു.
അര്ജുനെതിരെ കണ്ണൂരിലും നിലവില് കേസ് രജിസ്റ്റര് ചെയ്തിട്ടുണ്ട്. ഇവിടെ അറസ്റ്റ് രേഖപ്പെടുത്തി പ്രാഥമിക നിയമനടപടികള് പൂര്ത്തിയാക്കിയ ശേഷം പ്രതിയെ കൂടുതല് ചോദ്യം ചെയ്യലിനായി എറണാകുളത്തേക്ക് കൊണ്ടുപോകും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-(1)1-20260808083207.jpg)
1-20260808025439.jpg)
-20260119112532.webp)
