കയ്യേറ്റ പരാതിക്ക് പിന്നാലെ പാലാ നഗരസഭയിൽ മോഷണ ആരോപണം; കോൺഗ്രസ് കൗൺസിലർക്കെതിരെ ചെയർപേഴ്സന്റെ മോഷണ പരാതി

JUNE 9, 2026, 11:47 PM

കോട്ടയം: പാലാ നഗരസഭയിൽ കോൺഗ്രസ് കൗൺസിലർ ബിജു മാത്യൂസിനെതിരെ ചെയർപേഴ്സൺ ദിയ ബിനു പുളിക്കക്കണ്ടം മോഷണ പരാതി നൽകി. പാലാ ഡിവൈഎസ്‌പിക്കാണ് പരാതി സമർപ്പിച്ചിരിക്കുന്നത്.

ഓഫീസ് മുറിയിൽ അതിക്രമിച്ച് കയറി സീൽ ചെയ്ത ഫയലും വിലപിടിപ്പുള്ള കൈഘടികാരവും മോഷ്ടിച്ചുവെന്നാണ് പരാതിയിൽ ആരോപിക്കുന്നത്. സംഭവത്തിൽ അന്വേഷണം നടത്തി ആവശ്യമായ നടപടി സ്വീകരിക്കണമെന്നാവശ്യപ്പെട്ടാണ് ചെയർപേഴ്സൺ പരാതി നൽകിയിരിക്കുന്നത്.

അതേസമയം, ഒരാഴ്ച മുൻപ് ചെയർപേഴ്സൺ ബിനു പുളിക്കക്കണ്ടം തന്നെ കയ്യേറ്റം ചെയ്തതായി ആരോപിച്ച് ബിജു മാത്യൂസ് പൊലീസിൽ പരാതി നൽകിയിരുന്നു. ഇതിന് പിന്നാലെയാണ് പുതിയ പരാതിയും ഉയർന്നിരിക്കുന്നത്.