ഗണേഷ് കുമാറിനെതിരായ വ്യക്തിഹത്യ ആരോപണം; യുഡിഎഫ് അനൗൺസ്മെന്റ് വാഹനം പിടിച്ചെടുത്തു

MARCH 29, 2026, 11:29 PM

പത്തനംതിട്ട: കെ.ബി. ഗണേഷ് കുമാർനെതിരെ വ്യക്തിഹത്യ പ്രചാരണം നടത്തിയെന്ന പരാതിയിൽ യുഡിഎഫിന്റെ അനൗൺസ്മെന്റ് വാഹനം അധികൃതർ പിടിച്ചെടുത്തു. പത്തനാപുരം പട്ടാഴിയിൽ എൽഡിഎഫ് പ്രവർത്തകർ തടഞ്ഞ വാഹനമാണ് ഇതിന് പിന്നാലെ തെരഞ്ഞെടുപ്പ് ഉദ്യോഗസ്ഥരും പൊലീസും എത്തി കസ്റ്റഡിയിലെടുത്തത്.

പത്തനാപുരം മണ്ഡലത്തിലെ എൽഡിഎഫ് സ്ഥാനാർഥിയാണ് ഗണേഷ് കുമാർ. യുഡിഎഫ് സ്ഥാനാർഥിയുടെ അറിവോടെയാണ് അനൗൺസ്മെന്റിലൂടെ വ്യക്തിഹത്യ നടത്തിയതെന്നാണ് എൽഡിഎഫ് ആരോപണം. ഇതുമായി ബന്ധപ്പെട്ട് വരണാധികാരിക്ക് എൽഡിഎഫ് പരാതി നൽകിയിരുന്നു.

പരാതിയുടെ അടിസ്ഥാനത്തിലാണ് തെരഞ്ഞെടുപ്പ് ഉദ്യോഗസ്ഥരും പൊലീസും ഇടപെട്ട് വാഹനം കസ്റ്റഡിയിലെടുത്തത്. സംഭവത്തിൽ കൂടുതൽ അന്വേഷണം പുരോഗമിക്കുകയാണ്.