മുഖ്യമന്ത്രിയുടെ തെരഞ്ഞെടുപ്പ് പ്രചാരണത്തിന് ഒപ്പം കമൽഹാസനും; മമ്പറത്തെ തെരഞ്ഞെടുപ്പ് പരിപാടിയിൽ പങ്കെടുക്കും

MARCH 28, 2026, 12:46 AM

കണ്ണൂർ: മുഖ്യമന്ത്രി പിണറായി വിജയൻ്റെ തെരഞ്ഞെടുപ്പ് പരിപാടിയിൽ നടനും മക്കൾ നീതി മയ്യം നേതാവുമായ കമൽഹാസൻ എത്തും. കണ്ണൂർ മമ്പറത്ത് ഏപ്രിൽ മൂന്നിനാണ് കമൽഹാസൻ എത്തുക.

നേരത്തെ 'സഖാവ് വിജയൻ വിജയിക്കട്ടെ, കേരളവും വിജയിക്കും' എന്നിങ്ങനെ കമൽഹാസൻ എക്സിൽ പോസ്റ്റ് പങ്കുവച്ചുകൊണ്ട് പിണറായി വിജയനും ഇടതുപക്ഷത്തിനും വിജയാശംസകൾ നേർന്നിരുന്നു.കഴിഞ്ഞ പത്ത് വർഷത്തെക്കുറിച്ച് ചിന്തിക്കാനും അദ്ദേഹത്തിന് ആശംസകൾ നേരാനും കേരളത്തിലെ ജനങ്ങളോട് ഞാൻ അഭ്യർഥിക്കുന്നു. നമുക്ക് ശരിയായ തീരുമാനമെടുക്കാം. സഖാവ് വിജയൻ വിജയിക്കട്ടെ. കേരളവും വിജയിക്കും. ഇതെൻ്റെ അഭിപ്രായമാണെന്നും കമൽഹാസൻ കുറിച്ചിരുന്നു.

അതേസമയം, പിണറായി വിജയനെ കുറിച്ചുള്ള ഡോക്യുമെൻ്ററി 'പിണറായി: ദ ലെജൻഡി'ൻ്റെ പ്രദർശനത്തിന് അതിഥിയായി കമൽഹാസൻ എത്തിയിരുന്നു.