ആലപ്പുഴയില്‍ മദ്യലഹരിയിലുണ്ടായ സംഘര്‍ഷത്തില്‍ യുവാവ് കൊല്ലപ്പെട്ടു

MARCH 19, 2026, 11:32 PM

ആലപ്പുഴയിലെ എഴുപുന്നില്‍ മദ്യലഹരിയിലുണ്ടായ സംഘര്‍ഷത്തില്‍ ഒരു മരണം. കുമ്പളങ്ങി സ്വദേശിയായ നിതിന്‍ കൃഷ്ണന്‍ ആണ് മരിച്ചത്. ഇതു സംബന്ധിച്ച് എഴുപുന്ന കരുമാഞ്ചേരി സ്വദേശികളായ നാലുപേരെ പൊലീസ് കസ്റ്റഡിയിലെടുത്തു.

ഇന്നലെ രാത്രി 12 മണിയോടെയാണ് സംഭവം. നിതിന്‍ ബാറിലെത്തി മദ്യപിച്ചതിന് ശേഷം മടങ്ങുന്നതിനിടെയാണ് സംഘര്‍ഷമുണ്ടായത്. വാക്കുതര്‍ക്കവും സംഘര്‍ഷവും നടക്കുന്ന സമയത്താണ് നിതിന്‍ സംഘത്തിലേക്ക് ചെന്ന് കയറിയത്.

സംഘര്‍ഷത്തില്‍ അടിപിടിക്കിടെയാണ് നിതിന് പരിക്കേറ്റത് എന്നാണ് ലഭിക്കുന്ന വിവരം. സംഘര്‍ഷ ശേഷം ഒരാൾ വീണുകിടക്കുന്ന നിലയിൽ കാണപ്പെട്ടപ്പോൾ ബാർ ജീവനക്കാർ പൊലീസില്‍ വിവരം അറിയിച്ചു. പോലീസ് എത്തിയപ്പോൾ നിതിന്‍ മരിച്ചിരുന്നതായി സ്ഥിരീകരിച്ചു.