മുഖ്യമന്ത്രിക്കുള്ള മറുപടിയോ?; കെഎസ്‌യുവിന്റെ പോരാട്ടവീര്യം ഉയർത്തിക്കാട്ടി കെ.സി. വേണുഗോപാൽ

JULY 17, 2026, 10:26 PM

തിരുവനന്തപുരം: കോൺഗ്രസ് പ്രസ്ഥാനത്തെ വാർത്തെടുക്കുന്നതിൽ കെഎസ്‌യുവിന്റെ പോരാട്ടവീര്യം നിർണായക പങ്കുവഹിച്ചിട്ടുണ്ടെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ. കെഎസ്‌യുവിന്റെ പ്രവർത്തനപാരമ്പര്യം ഓർമ്മിപ്പിച്ചുകൊണ്ടാണ് അദ്ദേഹം ഫേസ്ബുക്കിൽ കുറിപ്പ് പങ്കുവെച്ചത്.

കെഎസ്‌യു–യൂത്ത് കോൺഗ്രസ് കാലത്തെ സഹപ്രവർത്തകരായ പ്രഫുലചന്ദ്രന്റെയും മാരായമുട്ടം സുരേഷിന്റെയും നിര്യാണത്തിൽ അനുശോചനം രേഖപ്പെടുത്തുന്നതിനിടെയാണ് കെ.സി. വേണുഗോപാലിന്റെ പ്രതികരണം.

"ഞങ്ങളെ എല്ലാവരെയും ഒരുമിപ്പിച്ചതും കോൺഗ്രസ് പ്രസ്ഥാനത്തെ വാർത്തെടുത്തതും കെഎസ്‌യുവിന്റെ പോരാട്ടവീര്യമാണ്," എന്ന് അദ്ദേഹം കുറിച്ചു.