'ഇസ്രയേല്‍ തെമ്മാടി രാഷ്ട്രം'; മുഖ്യമന്ത്രിക്കെതിരെ അശ്ലീല കമന്റുമായി കോഴിക്കോട് സ്വദേശി

JUNE 16, 2025, 2:13 AM

കോഴിക്കോട്: ഇസ്രയേല്‍ തെമ്മാടി രാഷ്ട്രമാണെന്നുള്ള മുഖ്യമന്ത്രി പിണറായി വിജയന്റെ പരാമര്‍ശത്തിനെതിരെ അശ്ലീല കമന്റുമായി കോഴിക്കോട് പുറമേരി സ്വദേശി രംഗത്ത്. 'ഷാലു ഷാലുഷാലൂസ്' എന്ന ഫേസ്ബുക്ക് ഐഡിയില്‍ നിന്നാണ് കമന്റുവന്നിരിക്കുന്നത് എന്നാണ് പുറത്തു വരുന്ന റിപ്പോർട്ട്.

അതേസമയം മുഖ്യമന്ത്രിക്കെതിരെ തീര്‍ത്തും മോശമായ പരാമര്‍ശമാണ് ഇയാള്‍ നടത്തിയിരിക്കുന്നതെന്നും സംഭവത്തില്‍ റൂറല്‍ എസ്പിക്ക് പരാതി നല്‍കുമെന്ന് സിപിഐഎം അറിയിച്ചു. എന്നാൽ ഇയാൾ ഫേസ്ബുക്ക് പേജില്‍ ഇതിന് മുന്‍പും അശ്ലീല പരാമര്‍ശങ്ങള്‍ നടത്തിയെന്നാണ് ലഭിക്കുന്ന റിപ്പോർട്ട്.

കഴിഞ്ഞ ദിവസം മാധ്യമങ്ങളോടായിരുന്നു ഇസ്രയേലിനെതിരെ മുഖ്യമന്ത്രി പിണറായി വിജയന്‍ ആഞ്ഞടിച്ചത്. ഇസ്രയേല്‍ പണ്ടേ തെമ്മാടി രാഷ്ട്രം എന്നായിരുന്നു മുഖ്യമന്ത്രി പറഞ്ഞത്.