‘രണ്ട് തോണിയിൽ കാലുവെക്കുന്നയാൾ’; വെള്ളാപ്പള്ളിക്കെതിരെ രൂക്ഷവിമർശനവുമായി പി. ജയരാജൻ

JUNE 9, 2026, 4:29 AM

തിരുവനന്തപുരം: എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെതിരെ രൂക്ഷ വിമർശനവുമായി സിപിഎം നേതാവ് പി. ജയരാജൻ. വെള്ളാപ്പള്ളി രണ്ട് തോണിയിൽ കാലുവെക്കുന്നയാളാണെന്നും ഒരേസമയം നവോത്ഥാന സമിതിയുടെ അധ്യക്ഷനായി തുടരുമ്പോൾ മകൻ സംഘപരിവാറിനൊപ്പമാണെന്നും അദ്ദേഹം ആരോപിച്ചു.

വെള്ളാപ്പള്ളിക്ക് ബഹുമുഖ വേഷമാണുള്ളതെന്നും, നിലവിൽ എസ്എൻഡിപി നേതൃത്വത്തിലുള്ളവർ ശ്രീനാരായണ ഗുരുവിന്റെ ദർശനങ്ങൾക്ക് വിരുദ്ധമായ നിലപാടുകളാണ് സ്വീകരിക്കുന്നതെന്നും ജയരാജൻ പറഞ്ഞു.

ഇതിനിടെ, തെരഞ്ഞെടുപ്പ് തോൽവിയെക്കുറിച്ചുള്ള സിപിഎം സെക്രട്ടേറിയറ്റ് വിലയിരുത്തൽ റിപ്പോർട്ടിലും വെള്ളാപ്പള്ളി നടേശനെ സംബന്ധിച്ച പരാമർശങ്ങളുണ്ടായതായി റിപ്പോർട്ടുകൾ സൂചിപ്പിക്കുന്നു. വെള്ളാപ്പള്ളിയുമായുള്ള ബന്ധത്തിൽ വ്യക്തമായ നിലപാട് സ്വീകരിക്കാതിരുന്നത് പാർട്ടിക്ക് തിരിച്ചടിയായെന്നാണ് വിലയിരുത്തലെന്നാണ് റിപ്പോർട്ട്.