ഓൺലൈൻ യുപിഐ ഇടപാടുകൾക്ക് ഡിജിറ്റൽ ചാർജ്ജ് അഥവാ മർച്ചന്റ് ഡിസ്കൗണ്ട് റേറ്റ് (MDR) ഏർപ്പെടുത്താനുള്ള കേന്ദ്ര സർക്കാരിന്റെയും എൻപിസിഐയുടെയും പുതിയ തീരുമാനത്തിനെതിരെ രാജ്യത്ത് പ്രതിഷേധം ശക്തമാകുന്നു. ഒക്ടോബർ 15 മുതൽ പ്രാബല്യത്തിൽ വരുന്ന പുതിയ നിയമപ്രകാരം 2,000 രൂപയ്ക്ക് മുകളിലുള്ള യുപിഐ വ്യാപാരി ഇടപാടുകൾക്ക് ഫീസ ഈടാക്കാനാണ് തീരുമാനം.

ഈ പുതിയ തീരുമാനത്തെ തുടർന്ന് രാജ്യത്തെ പല പ്രമുഖ പെട്രോൾ പമ്പ് വ്യാപാരികളും വസ്ത്ര വ്യാപാരി സംഘടനകളും യുപിഐ വഴിയുള്ള വലിയ തുകയുടെ ഡിജിറ്റൽ പേയ്‌മെന്റുകൾ നിർത്തിവെക്കാൻ ഒരുങ്ങുകയാണ്. ഒക്ടോബർ 15 മുതൽ 2,000 രൂപയ്ക്ക് മുകളിലുള്ള യുപിഐ പേയ്‌മെന്റുകൾ സ്വീകരിക്കുന്നത് പൂർണ്ണമായി നിർത്തിയേക്കുമെന്ന് മുംബൈയിലെയും മറ്റ് പ്രധാന നഗരങ്ങളിലെയും പെട്രോൾ പമ്പ് ഉടമകൾ മുന്നറിയിപ്പ് നൽകി കഴിഞ്ഞു.

ചെറുകിട വ്യാപാരികൾക്ക് ഈ തുക കടുത്ത സാമ്പത്തിക ബാധ്യത വരുത്തിവെക്കുമെന്നാണ് പ്രധാന വിപണി സംഘടനകളുടെ വാദം. ഇതോടെ പൊതുജനങ്ങൾ ഡിജിറ്റൽ പേയ്‌മെന്റുകൾ ഉപപേക്ഷിച്ച് പഴയതുപോലെ ക്യാഷ് അഥവാ നോട്ടുകൾ ഉപയോഗിച്ചുള്ള ഇടപാടുകളിലേക്ക് വീണ്ടും തിരികെ പോകാൻ നിർബന്ധിതരാകുമെന്ന് റീട്ടെയിലേഴ്സ് അസോസിയേഷൻ ഓഫ് ഇന്ത്യ വ്യക്തമാക്കി.

അതേസമയം, പുതിയ യുപിഐ നിരക്ക് വർദ്ധനവ് സ്റ്റോക്ക് ബ്രോക്കിംഗ് അഥവാ ഓഹരി വിപണി നിക്ഷേപ മേഖലയ്ക്ക് കനത്ത ആഘാതമുണ്ടാക്കുമെന്ന് സെറോധ സ്ഥാപകനും സിഇഒയുമായ നിഥിൻ കാമത്ത് മുന്നറിയിപ്പ് നൽകി. ഓഹരി വിപണിയിലേക്ക് പണം അയക്കുന്ന ഉപയോക്താക്കൾ വ്യാപാരം അഥവാ ട്രേഡിംഗ് നടത്തിയില്ലെങ്കിലും ബ്രോക്കർമാർ ഈ തുക സ്വന്തം കൈയിൽ നിന്ന് അടയ്ക്കേണ്ടി വരും.

ഉദാഹരണത്തിന് 10,000 ഉപഭോക്താക്കൾ ഒരു മാസത്തിനിടെ ട്രേഡിംഗ് നടത്താതെ അൻപത് തവണ വരെ രണ്ടര ലക്ഷം രൂപ വീതം യുപിഐ വഴി വാൾട്ടിലേക്ക് മാറ്റിയാൽ, ഒരു ബ്രോക്കർക്ക് ഏകദേശം 2 കോടി രൂപയോളം വെറുതെ നഷ്ടമുണ്ടാകും. ഇത്തരം ഭാരിച്ച ചെലവുകൾ എന്നും സ്വന്തം കൈയിൽ നിന്ന് വഹിക്കാൻ ഓൺലൈൻ ബ്രോക്കിംഗ് കമ്പനികൾക്ക് സാധിക്കില്ലെന്ന് അദ്ദേഹം സോഷ്യൽ മീഡിയയിലൂടെ വ്യക്തമാക്കി.

ഓഹരി വിപണി ആവശ്യങ്ങൾക്കും മ്യൂച്വൽ ഫണ്ട് നിക്ഷേപങ്ങൾക്കും 0.02 ശതമാനം ചാർജ്ജാണ് നിശ്ചയിച്ചിരിക്കുന്നത്. ഇത് പരമാവധി 300 രൂപ വരെയാകാം. എന്നാൽ സാദാരണ വ്യാപാരി ഇടപാടുകൾക്ക് 0.4 ശതമാനം വരെയുമാണ് ചാർജ്ജ് ഈടാക്കുക. എന്നാൽ പെട്രോൾ പമ്പുകൾക്ക് കൃത്യമായ തുക എന്ന നിലയിൽ 2,000 രൂപയ്ക്ക് മുകളിൽ ഫ്ലാറ്റ് 5 രൂപ മാത്രമായിരിക്കും ചാർജ്ജ്.

എന്നാൽ വളരെ ചെറിയ കമ്മീഷൻ നിരക്കിൽ പ്രവർത്തിക്കുന്ന പെട്രോൾ പമ്പുകൾക്ക് ഈ തുക പോലും താങ്ങാൻ സാധിക്കില്ലെന്നാണ് പെട്രോളിയം ഡീലർമാരുടെ നിലപാട്. നിലവിൽ ക്രെഡിറ്റ് കാർഡ് പേയ്‌മെന്റുകൾക്ക് ഈടാക്കുന്ന ചാർജ്ജുകൾ കാരണം വലിയ നഷ്ടമാണ് പമ്പ് ഉടമകൾ നേരിടുന്നത്.

പുതിയ അനാവശ്യ ഫീസ് വർദ്ധനവിനെതിരെ ഡൽഹി, മുംബൈ തുടങ്ങിയ മെട്രോ നഗരങ്ങളിലെ വ്യാപാരികൾ റോഡിലിറങ്ങി പ്രതിഷേധിക്കാൻ പ്ലാൻ ചെയ്യുന്നുണ്ട്. വ്യാപാരികൾക്ക് നിശ്ചയിച്ചിരിക്കുന്ന ഈ ഡിജിറ്റൽ ചാർജ്ജ് അവസാനിപ്പിച്ചില്ലെങ്കിൽ രാജ്യവ്യാപകമായ കടയടപ്പ് സമരങ്ങളിലേക്ക് പോകേണ്ടി വരുമെന്ന് ട്രേഡേഴ്സ് സംഘടന നേതാക്കൾ ഓർമ്മിപ്പിക്കുന്നു.

അതേസമയം പണമിടപാടുകൾ കൂടുതൽ സുതാര്യമാക്കാനും സങ്കീർണ്ണമായ ഡിജിറ്റൽ അടിസ്ഥാന സൗകര്യങ്ങൾ പരിപാലിക്കാനും സാങ്കേതിക വികസനത്തിനും വേണ്ടിയാണ് ചെറിയൊരു ശതമാനം തുക സ്വീകരിക്കുന്നതെന്നാണ് റിസർവ് ബാങ്കും ബാങ്കിംഗ് മേഖലയും വ്യക്തമാക്കുന്നത്. എന്നാൽ ഇത് ഉപഭോക്താക്കളെ നേരിട്ട് ബാധിക്കില്ലെന്നും കച്ചവടക്കാർ മാത്രം അടയ്ക്കേണ്ട ചാർജ്ജ് ആണെന്നും ആർബിഐ ആവർത്തിക്കുന്നു.

എന്നാൽ വ്യാപാരികളിൽ നിന്ന് ഈടാക്കുന്ന തുക പരോക്ഷമായി സാധനങ്ങളുടെയും സേവനങ്ങളുടെയും വില വർദ്ധിപ്പിച്ച് ഉപഭോക്താക്കളിൽ നിന്ന് തന്നെ ഈടാക്കാൻ സാധ്യതയുണ്ടെന്ന് സാമ്പത്തിക വിദഗ്ദ്ധർ വിലയിരുത്തുന്നു. ഇത് സാധാരണക്കാരുടെ ദൈനംദിന ബജറ്റിനെ ബാധിക്കും.

ഇത്തരം പെട്ടെന്നുള്ള തീരുമാനങ്ങൾ ഇന്ത്യയുടെ ഡിജിറ്റൽ വിപ്ലവത്തിന് തിരിച്ചടിയാകുമെന്ന് പ്രമുഖ വ്യവസായികൾ അഭിപ്രായപ്പെടുന്നു. കേന്ദ്ര സർക്കാരും റിസർവ് ബാങ്കും വിഷയത്തിൽ അടിയന്തരമായി ഇടപെട്ട് അനുകൂല തീരുമാനങ്ങൾ കൈക്കൊള്ളുമെന്ന പ്രതീക്ഷയിലാണ് വ്യാപാര ലോകം.

ഓൺലൈൻ യുപിഐ പേയ്‌മെന്റുകൾക്ക് മുകളിൽ ഉയർന്ന അധിക നിരക്കുകൾ ഒഴിവാക്കണമെന്ന് ആവശ്യപ്പെട്ട് സുപ്രീം കോടതിയിൽ പൊതുതാൽപ്പര്യ ഹർജിയും നൽകിയിട്ടുണ്ട്. കേസിൽ വരുന്ന കോടതി വിധി ഭാവി ഡിജിറ്റൽ ഇടപാടുകൾക്ക് നിർണ്ണായകമാകും.

ബാങ്കിംഗ് മേഖലയും വ്യവസായ ലോകവും തമ്മിൽ നടക്കുന്ന ഈ തർക്കം സാധാരണക്കാരായ ഉപഭോക്താക്കളിൽ വലിയ ആശയക്കുഴപ്പമാണ് ഉണ്ടാക്കുന്നത്. പെട്രോൾ പമ്പുകളിലും കടകളിലും മുൻപത്തെപ്പോലെ യുപിഐ ഉപയോഗിക്കാൻ സാധിക്കുമോ എന്ന ചോദ്യമാണ് ഇപ്പോൾ പരക്കെ ഉയരുന്നത്.

വരും ദിവസങ്ങളിൽ സർക്കാരും റിസർവ് ബാങ്കും ഇളവുകൾ പ്രഖ്യാപിക്കുമോ അതോ പഴയതുപോലെ ക്യാഷ് ഇടപാടുകളിലേക്ക് രാജ്യം മടങ്ങുമോ എന്ന് കാത്തിരുന്നു കാണണം. ഉത്സവ സീസൺ അടുത്തെത്തിയിരിക്കെ വിപണിയിലുണ്ടാകുന്ന ഇത്തരം പ്രതിസന്ധികൾ വ്യവസായ മേഖലയെ ആശങ്കയിലാക്കുന്നുണ്ട്.

English Summary: Petrol pump operators in major cities threaten to stop accepting UPI transactions above 2000 rupees starting October 15 following the introduction of new Merchant Discount Rate MDR charges. Meanwhile Zerodha CEO Nithin Kamath warned that the 0.4 percent MDR on UPI payments could severely impact stockbrokers and investment platforms as they cannot absorb repeated payment costs without trade execution.

Tags: Malayalam News, News Malayalam, Latest Malayalam News, Vachakam News, Business News Malayalam, UPI MDR Rules, Nithin Kamath, Petrol Pumps UPI Payment, Indian Economy

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്