-20201019104756.jpg)
ഡൽഹി: കേരള സർക്കാരിനെതിരെ പാർലമെന്റിൽ വിമർശനവുമായി കേന്ദ്ര ധനമന്ത്രി നിർമല സീതാരാമൻ. ദേശീയ ദുരന്ത നിവാരണ ഫണ്ടിൽ നിന്ന് അനുവദിച്ച പണം പോലും കേരള സർക്കാർ പിന്വലിക്കാൻ ശ്രമിച്ചിട്ടില്ലെന്ന് ആണ് ലോക്സഭയിൽ അവർ വ്യക്തമാക്കിയത്.
കേരളത്തിനായി മൊത്തം 311.95 കോടി രൂപ അനുവദിച്ചിരുന്നുവെന്ന് മന്ത്രി അറിയിച്ചു. എന്നാൽ ഈ തുക ലഭിക്കാനായി സംസ്ഥാന സർക്കാർ ഒരു അപേക്ഷ പോലും സമർപ്പിച്ചിട്ടില്ലെന്നാണ് ആരോപണം. കോൺഗ്രസ് നേതാവ് മാണിക്കം ടോഗോർ ഉന്നയിച്ച ചോദ്യത്തിന് മറുപടിയായാണ് ഈ വിശദീകരണം.
വിവിധ പദ്ധതികൾക്കായി അനുവദിച്ച തുകയിൽ വയനാട് ഉരുള്പൊട്ടൽ പ്രദേശങ്ങളിൽ അപകടസാധ്യത കുറയ്ക്കാൻ 72 കോടി രൂപയും, കാട്ടുതീ നിയന്ത്രണത്തിന് 17.73 കോടി രൂപയും, തിരുവനന്തപുരത്തെ പ്രളയ പ്രതിരോധ പദ്ധതികൾക്കായി 222.22 കോടി രൂപയും ഉൾപ്പെടുന്നു.
പണം അനുവദിക്കുന്നത് മാത്രമല്ല, അത് ലഭ്യമാക്കാൻ ആവശ്യമായ നടപടികളും സംസ്ഥാന സർക്കാർ സ്വീകരിക്കണം എന്നായിരുന്നു കേന്ദ്രത്തിന്റെ നിലപാട്. കേരളത്തിന് കേന്ദ്രം ആവശ്യമായ പിന്തുണ നൽകുന്നില്ലെന്ന ആരോപണങ്ങൾ നിലനിൽക്കുന്നതിനിടെയാണ് ഈ പ്രതികരണം പുറത്തുവന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260323100730.jpg)
-20260323094427.jpg)
-20260113031026.webp)
-20201019105235.jpg)
-20260323030128.webp)
-20260323025040.jpg)
-20260112044425.webp)
-20260322050318.jpg)
