വാട്സ്ആപ്പിൽ ഗുരുതര സുരക്ഷാ പിഴവ്; മുന്നറിയിപ്പുമായി കേന്ദ്ര ഏജന്‍സി

NOVEMBER 24, 2025, 9:25 PM

വാട്സ്ആപ്പ് ഉപയോക്താക്കൾക്ക് ഗുരുതര സുരക്ഷാ മുന്നറിയിപ്പുമായി കേന്ദ്രസർക്കാർ ഏജന്‍സിയായ ഇന്ത്യന്‍ കമ്പ്യൂട്ടര്‍ എമര്‍ജന്‍സി റെസ്പോണ്‍സ് ടീം.

സുരക്ഷ നടപടികൾ മറികടന്ന് ഹാക്കർമാർ മുതലെടുക്കുമെന്നാണ് പ്രധാന മുന്നറിയിപ്പ്. ലോകമെമ്പാടും നിരവധിപേരാണ് വാട്സ്ആപ്പ് ഉപയോഗിക്കുന്നത്.

ചാറ്റ് ചെയ്യാനും ചിത്രങ്ങൾ കൈമാറാനും ഉൾപ്പെടെ ഇതിനെ ആശ്രയിക്കുന്നു. വാട്സ്ആപ്പിലെ സുരക്ഷാ മുന്നറിയിപ്പുകൾ പ്രധാനമായും ആപ്പിൾ ഉപയോക്താക്കളെ ലക്ഷ്യം വച്ചാണ്.

റിച്ച് റെസ്പോണ്‍സ് മെസേജുകളുടെ അപൂര്‍ണമായ പരിശോധനയാണ് വാട്‌സ്ആപ്പിലെ സുരക്ഷാ പിഴവിന് കാരണം. ഒരു ഹാക്കര്‍ക്ക് ഈ പിഴവ് മുതലെടുത്ത് മറ്റൊരാളുടെ ഫോണില്‍ ഏതെങ്കിലും യു.ആർ.എല്ലില്‍ നിന്നുള്ള ഉള്ളടക്കം പ്രോസസ് ചെയ്യാന്‍ നിര്‍ദേശിക്കാന്‍ കഴിയുമെന്ന് സെർട്ട്-ഇൻ സുരക്ഷാ ബുള്ളറ്റിനില്‍ പറയുന്നു. നവംബറിലെ അപ്ഡേറ്റുമായി ബന്ധപ്പെട്ട് സ്വന്തം സുരക്ഷാ വിവരങ്ങള്‍ വാട്‌സ്ആപ്പ് പുറത്തുവിട്ടിട്ടുണ്ട്.

2.25.23.73 ന് മുമ്പുള്ള iOS പതിപ്പിനുള്ള വാട്സ്ആപ്പ്, iOS പതിപ്പ് 2.25.23.82-നുള്ള WhatsApp ബിസിനസ്സ് മാക് പതിപ്പ്, 2.25.23.83-നുള്ള വാട്സ്ആപ്പ് എന്നിവയുപയോഗിക്കുന്നവർ സൂക്ഷിക്കേണ്ടതായുണ്ട്. എത്രയും പെട്ടന്ന് അപ്ഡേറ്റ് ചെയ്യണമെന്നാണ് നിർദേശം.