ഡൽഹി : വിദേശകാര്യ മന്ത്രി എസ്. ജയ്ശങ്കർ ഗ്രീസിന്റെ ദേശീയ പ്രതിരോധ മന്ത്രി നിക്കോസ് ഡെൻഡിയാസുമായി തന്ത്രപരവും സുരക്ഷാസംബന്ധമായതുമായ വിഷയങ്ങളിൽ ചർച്ച നടത്തി. പ്രതിരോധ മന്ത്രി രാജ്നാഥ് സിംഗിന്റെ ക്ഷണപ്രകാരമാണ്  ഡെൻഡിയാസ് ഡൽഹിയിൽ എത്തിയത്.

“ഇന്ന് വൈകുന്നേരം ഗ്രീസിന്റെ ദേശീയ പ്രതിരോധ മന്ത്രി നിക്കോസ് ഡെൻഡിയാസിനെ സ്വാഗതം ചെയ്യുന്നതിൽ സന്തോഷം. തന്ത്രപരവും സുരക്ഷയുമായി ബന്ധപ്പെട്ട വിവിധ വിഷയങ്ങളിൽ വിശദമായ ചർച്ച നടത്തി. അദ്ദേഹത്തിന്റെ വിലയേറിയ അഭിപ്രായങ്ങളും വിലയിരുത്തലുകളും അഭിനന്ദനാർഹമാണ്.” ജയശങ്കർ എക്‌സിൽ പോസ്റ്റുചെയ്തു.

“എന്റെ സുഹൃത്തും ഇന്ത്യയുടെ വിദേശകാര്യ മന്ത്രിയുമായ ഡോ. സുബ്രഹ്മണ്യം ജയ്ശങ്കറിന്റെ വസതിയിൽ അദ്ദേഹത്തിന്റെ ക്ഷണപ്രകാരം എത്താൻ സാധിച്ചതിൽ ബഹുമാനിതനായി. രാജ്നാഥ് സിംഗിന്റെ ക്ഷണപ്രകാരം ഇന്ത്യയിലെത്തിയ ഔദ്യോഗിക സന്ദർശനത്തിന്റെ ഭാഗമായാണ് ഈ കൂടിക്കാഴ്ച. പ്രാദേശികവും അന്താരാഷ്ട്രവുമായ വികസനങ്ങളെക്കുറിച്ച് സൗഹൃദപരമായ ചർച്ച നടത്തി.”  ഡെൻഡിയാസ് എക്സ് പോസ്റ്റിലൂടെ പറഞ്ഞു.ഇന്ത്യ-ഇയു സ്വതന്ത്ര വ്യാപാര കരാർ (FTA) ഒപ്പുവെച്ചതിന് പിന്നാലെയാണ് ഈ സന്ദർശനം. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്