സോണിയ ഗാന്ധിയുടെ ആരോഗ്യനില തൃപ്തികരമാണെന്ന് അറിയിച്ചു ആശുപത്രി അധികൃതര്‍

MARCH 25, 2026, 6:13 AM

മുതിര്‍ന്ന കോണ്‍ഗ്രസ് നേതാവ് സോണിയ ഗാന്ധിയുടെ ആരോഗ്യനില തൃപ്തികരമാണെന്ന് അറിയിച്ചു ആശുപത്രി അധികൃതര്‍. വയറിലും മൂത്രനാളത്തിലും ഉണ്ടായ അണുബാധയെ തുടര്‍ന്നാണ് ഇപ്പോള്‍ ചികിത്സ തുടരുന്നത് എന്നാണ് ലഭിക്കുന്ന വിവരം.

ഡോക്ടര്‍മാരുടെ പ്രത്യേക സംഘം ആരോഗ്യനില നിരന്തരം വിലയിരുത്തുന്നുണ്ടെന്നും ആവശ്യമായ ചികിത്സ നല്‍കിക്കൊണ്ടിരിക്കുകയാണെന്നും ആശുപത്രി അധികൃതര്‍ വ്യക്തമാക്കി. ആന്റിബയോട്ടിക് ചികിത്സ ഉള്‍പ്പെടെയുള്ള നടപടികള്‍ തുടരുന്നതായും ഡോക്ടർമാർ അറിയിച്ചു.

ശ്വാസകോശ സംബന്ധമായ അസ്വസ്ഥതയെ തുടര്‍ന്നാണ് കഴിഞ്ഞ ദിവസം രാത്രിയില്‍ അവരെ ആശുപത്രിയില്‍ പ്രവേശിപ്പിച്ചത്. ഇതിനുമുമ്പ് ജനുവരി മാസത്തില്‍ ശ്വാസതടസ്സവും ചുമയും അനുഭവപ്പെട്ടതിനാല്‍ ആശുപത്രിയില്‍ പ്രവേശിപ്പിച്ചിരുന്നുവെന്നും പിന്നീട് ചികിത്സയ്ക്കുശേഷം ഡിസ്ചാര്‍ജ് ചെയ്തിരുന്നുവെന്നും ആണ് ലഭിക്കുന്ന വിവരം.