-20251115125020.jpg)
ന്യൂഡല്ഹി: ഡല്ഹി സ്ഫോടനക്കേസിലടക്കം അറസ്റ്റിലായവരില് നിന്ന് ജമ്മു കാശ്മീര് പൊലീസ് പിടിച്ചെടുത്ത അമോണിയം നൈട്രേറ്റ് പൊട്ടിത്തെറിച്ച് നിരവധിപ്പേര്ക്ക് പരിക്ക്. നൗഗാം പൊലീസ് സ്റ്റേഷനില് ഫോറന്സിക് സയന്സ് ലബോറട്ടറിയിലെ (എഫ്എസ്എല്) സംഘവും പൊലീസും സ്ഫോടക വസ്തുക്കള് പരിശോധിക്കുന്നതിനിടെയാണ് പൊട്ടിത്തെറി ഉണ്ടായത്.
സ്ഫോടനത്തില് പൊലീസ് സ്റ്റേഷന് സാരമായ കേടുപാടുകള് സംഭവിച്ചു. തൊട്ടടുത്തുള്ള കെട്ടിടങ്ങള്ക്കും കേടുപാടുകള് സംഭവിച്ചിട്ടുണ്ട്. പരിക്കേറ്റവരെ ഇന്ത്യന് ആര്മിയുടെ 92 ബേസ് ആശുപത്രിയിലും ഷേര്-ഇ-കാശ്മീര് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസിലും പ്രവേശിപ്പിച്ചതായി അധികൃതര് അറിയിച്ചു.
മുതിര്ന്ന പൊലീസ് ഉദ്യോഗസ്ഥര് നൗഗാമിലെത്തി പ്രദേശം വളഞ്ഞു. നൗഗാമിലെ സ്റ്റേഷന് ഹൗസ് ഓഫീസര് (എസ്എച്ച്ഒ) ആണ് പ്രദേശത്തെ വിവിധ സ്ഥലങ്ങളില് ഭീകര സംഘടനയായ ജെയ്ഷ്-ഇ-മുഹമ്മദിന്റെ പോസ്റ്ററുകള് പതിച്ചുവെന്ന കേസ് കണ്ടെത്തിയത്. തുടര്ന്ന് തീവ്രവാദ ബന്ധമുണ്ടെന്ന് സംശയിക്കുന്ന ഡോക്ടര്മാര് ഉള്പ്പെടെയുള്ള പ്രൊഫഷണലുകളെ പിടികൂടി. പിന്നാലെ നവംബര് 10 ന് ചെങ്കോട്ടക്ക് സമീപം സ്ഫോടനം നടന്നു. ഏകദേശം 3000 കിലോയിലധികം അമോണിയം നൈട്രേറ്റാണ് പിടികൂടിയത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-11-20260113024610.webp)
-20201113035654.jpg)
