രാവിലെ പുറപ്പെട്ടാല്‍ ഉച്ചയ്ക്ക് എത്താം! എറണാകുളം-ബംഗളൂരു വന്ദേഭാരതിന് സാധ്യത

MARCH 1, 2024, 9:08 AM

ചെന്നൈ: പുതിയ വന്ദേഭാരത് എറണാകുളത്തു നിന്ന് ബംഗളൂരുവിലേക്ക് സര്‍വീസ് നടത്താന്‍ സാധ്യത. പെരമ്പൂര്‍ ഇന്റഗ്രല്‍ കോച്ച് ഫാക്ടറി (ഐ.സി.എഫ്.) യില്‍ നിന്ന് ദക്ഷിണ റെയില്‍വേക്ക് അനുവദിച്ച പുതിയ വന്ദേഭാരതാണിത്. കഴിഞ്ഞ ദിവസം ഐ.സി.എഫ്.ആര്‍ ആറ് സോണുകള്‍ക്കായി വന്ദേഭാരത് ട്രെയിനുകള്‍ അനുവദിച്ചിരുന്നു.

ദക്ഷിണ റെയില്‍വേയിലെ ഏറ്റവും തിരക്കേറിയ റൂട്ടുകളിലൊന്നാണ് എറണാകുളം-ബംഗളൂരു. ഇവിടേയ്ക്ക് സര്‍വീസ് നടത്തുന്നതിന്റെ സാധ്യതകള്‍ ആരാഞ്ഞ് വരുകയാണ്. രാവിലെ അഞ്ചിന് എറണാകുളം ജങ്ഷനില്‍ നിന്ന് പുറപ്പെടുന്ന ട്രെയിന്‍ ഉച്ചയ്ക്ക് 1.35 ന് കെ.എസ്.ആര്‍ ബംഗളൂരു റെയില്‍വേ സ്റ്റേഷനിലെത്തും. തിരിച്ച് ഉച്ചയ്ക്ക് 2.05 ന് പുറപ്പെടുന്ന വണ്ടി രാത്രി 10.45 ന് എറണാകുളം ജങ്ഷനിലെത്തും.

തൃശൂര്‍, പാലക്കാട്, കോയമ്പത്തൂര്‍, ഈറോഡ്, സേലം എന്നിവിടങ്ങളില്‍ സ്റ്റോപ്പുകളുണ്ടാകുമെന്ന് റെയില്‍വേ വൃത്തങ്ങള്‍ അറിയിച്ചു.