ബെംഗളൂരു: സ്ത്രീകളെ ബോഡി ഷെയ്മിംഗ് നടത്തുന്നതിനെ സ്ത്രീത്വത്തെ അപമാനിച്ചതായി കണക്കാക്കാനാകില്ലെന്ന് വ്യക്തമാക്കി കർണാടക ഹൈക്കോടതി. ബോഡി ഷെയിമിങ്ങും വാക്കാലുള്ള അധിക്ഷേപങ്ങളും മാനസിക വിഷമമുണ്ടാക്കിയേക്കാമെങ്കിലും, അത് സ്ത്രീത്വത്തെ അപമാനിക്കൽ എന്ന നിയമപരമായ നിർവചനത്തിലേക്ക് നേരിട്ട് വരില്ലെന്നും കോടതി ചൂണ്ടിക്കാണിക്കുന്നു.
ബെംഗളൂരു ന്യൂ ബിഇഎൽ റോഡിൽ 2023 ഓഗസ്റ്റിലുണ്ടായ ഒരു തർക്കവുമായി ബന്ധപ്പെട്ട കേസ് റദ്ദാക്കിക്കൊണ്ടാണ് ജസ്റ്റിസ് എസ്.ആർ. കൃഷ്ണകുമാറിന്റെ നിർണായക ഉത്തരവ്.രണ്ട് സ്ത്രീകളും ഒരു പുരുഷനുമടങ്ങുന്ന സംഘം തന്നെയും സുഹൃത്തുക്കളെയും ബോഡി ഷെയിമിങ് നടത്തുകയും വംശീയ അധിക്ഷേപം നടത്തുകയും ചെയ്തുവെന്നായിരുന്നു 26-കാരിയായ യുവതിയുടെ പരാതി.
ഒരു സ്ത്രീയുടെ മാന്യതയെ ബോധപൂർവ്വം അപമാനിക്കുന്ന തരത്തിലുള്ള വാക്കുകളോ പ്രവൃത്തികളോ ആണ് ഈ വകുപ്പിന്റെ പരിധിയിൽ വരുന്നത്. രൂപത്തിന്റെ പേരിലുള്ള കളിയാക്കലുകളും വാക്കാലുള്ള അധിക്ഷേപങ്ങളും ഐപിസി 509ആം വകുപ്പ് പ്രകാരമുള്ള കുറ്റകൃത്യമായി കണക്കാക്കാനാകില്ലെന്നും കോടതി വ്യക്തമാക്കി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-7-20260113024611.webp)
-20260320092004.webp)
