-20260503031330.jpg)
ന്യൂഡൽഹി: കിഴക്കൻ ഡൽഹിയിലെ വിവേക് വിഹാറിൽ പുലർച്ചെയുണ്ടായ വൻ തീപിടിത്തത്തിൽ ഒമ്പത് പേർ മരിക്കുകയും ഏഴ് പേർക്ക് പരിക്കേൽക്കുകയും ചെയ്തു.
ശനിയാഴ്ച പുലർച്ചെ നാല് മണിയോടെ ഒരു നാലു നില കെട്ടിടത്തിലാണ് അപകടമുണ്ടായത്. കെട്ടിടത്തിന്റെ രണ്ടാം നിലയിലാണ് ആദ്യം തീപിടുത്തമുണ്ടായതെന്ന് ഉദ്യോഗസ്ഥർ അറിയിച്ചു.
വിവരമറിഞ്ഞ് സ്ഥലത്തെത്തിയ 14 അഗ്നിശമന സേനാ യൂണിറ്റുകൾ കഠിനപ്രയത്നം നടത്തിയാണ് തീ നിയന്ത്രണവിധേയമാക്കിയത്. പത്തിലധികം പേരെ കെട്ടിടത്തിൽ നിന്ന് സുരക്ഷിതമായി പുറത്തെത്തിച്ചു.
രാവിലെ ആറ് മണിയോടെ തീ പൂർണ്ണമായും അണയ്ക്കാൻ സാധിച്ചു. പരിക്കേറ്റവർ നിലവിൽ അടുത്തുള്ള ആശുപത്രിയിൽ ചികിത്സയിലാണ്.
ഡൽഹിയിലെ പ്രധാന കേന്ദ്രങ്ങളിലൊന്നായ വിവേക് വിഹാറിൽ ഇത്രയും വലിയ ദുരന്തമുണ്ടായത് നടുക്കമുണ്ടാക്കിയിട്ടുണ്ട്. തീപിടുത്തത്തിന്റെ കൃത്യമായ കാരണം ഇതുവരെ കണ്ടെത്താനായിട്ടില്ലെന്നും സംഭവത്തിൽ വിശദമായ അന്വേഷണം ആരംഭിച്ചതായും അധികൃതർ വ്യക്തമാക്കി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260519111531.jpg)
-20260621040000.jpg)
-20260130064601.jpg)
