വാഷിംഗ്ടൺ സന്ദർശനത്തിന് പിന്നാലെ അമേരിക്കയുടെ പിന്തുണയിൽ കൂടുതൽ ആത്മവിശ്വാസമെന്ന് ഉക്രെയ്ൻ ഉപപ്രധാനമന്ത്രി

APRIL 16, 2026, 10:30 PM

വാഷിംഗ്ടൺ: ഉക്രെയ്ൻ ഉപപ്രധാനമന്ത്രി യൂലിയ സ്വൈറിഡെങ്കോ അമേരിക്കയിൽ നടത്തിയ നിർണ്ണായക ചർച്ചകൾ വിജയകരം. യുഎസ് ട്രഷറി സെക്രട്ടറി സ്കോട്ട് ബെസെന്റ് ഉൾപ്പെടെയുള്ള ഉന്നത ഉദ്യോഗസ്ഥരുമായി അവർ കൂടിക്കാഴ്ച നടത്തി. റഷ്യയ്‌ക്കെതിരെയുള്ള സാമ്പത്തിക ഉപരോധങ്ങളിൽ യാതൊരു ഇളവും നൽകരുതെന്ന യുക്രെയ്‌ന്റെ നിലപാട് ചർച്ചയിൽ അവർ ആവർത്തിച്ചു. റഷ്യൻ അധിനിവേശം നാലാം വർഷത്തിലേക്ക് കടക്കുമ്പോൾ, യുഎസ് ഭരണകൂടം തങ്ങൾക്കൊപ്പം ഉറച്ചുനിൽക്കുമെന്ന വിശ്വാസമുണ്ടെന്ന് സ്വൈറിഡെങ്കോ വ്യക്തമാക്കി.

റഷ്യൻ അധിനിവേശം പ്രതിരോധിക്കുന്നതിനൊപ്പം തകർന്നടിഞ്ഞ ഉക്രെയ്‌ന്റെ പുനർനിർമ്മാണമാണ് സർക്കാരിന്റെ ലക്ഷ്യമെന്നും അവർ പറഞ്ഞു. ഇതിനായി യുഎസ്-ഉക്രെയ്ൻ ഇൻവെസ്റ്റ്‌മെന്റ് ഫണ്ട് വഴി കൂടുതൽ പദ്ധതികൾ നടപ്പിലാക്കും.

ഊർജ്ജ മേഖലയുൾപ്പെടെയുള്ള നിർണ്ണായക മേഖലകളിൽ ഈ വേനൽക്കാലത്തോടെ കൂടുതൽ നിക്ഷേപങ്ങൾ എത്തുമെന്നാണ് പ്രതീക്ഷ. ഐഎംഎഫിൽ (IMF) നിന്നുള്ള 8 ബില്യൺ ഡോളറിന്റെ വായ്പാ നടപടികളിൽ പുരോഗതിയുണ്ടെന്നും അടുത്ത മാസം ഐഎംഎഫ് പ്രതിനിധികൾ കീവ് സന്ദർശിക്കുമെന്നും അവർ കൂട്ടിച്ചേർത്തു.

യൂറോപ്യൻ യൂണിയനിൽ (EU) അംഗത്വം നേടാനുള്ള ഉക്രെയ്‌ന്റെ ശ്രമങ്ങൾക്ക് ഹംഗറിയിലെ രാഷ്ട്രീയ മാറ്റം കരുത്തുപകരുമെന്നും സ്വൈറിഡെങ്കോ പ്രത്യാശിച്ചു. വിക്ടർ ഓർബന്റെ പതനം യൂറോപ്യൻ യൂണിയൻ പ്രഖ്യാപിച്ച 90 ബില്യൺ യൂറോയുടെ വായ്പ ലഭ്യമാക്കാൻ സഹായിക്കുമെന്നാണ് വിലയിരുത്തൽ. കൃത്യമായ സുരക്ഷാ ഉറപ്പുകൾ ലഭിച്ചാൽ മാത്രമേ സമാധാന കരാറുകൾക്ക് തയ്യാറാകൂ എന്ന നിലപാടിൽ ഉക്രെയ്ൻ ഉറച്ചുനിൽക്കുകയാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്