ബ്രസല്സ്: ഉക്രെയ്ന് അധിനിവേശത്തെത്തുടര്ന്ന് യൂറോപ്യന് യൂണിയന് റഷ്യയ്ക്ക് മേല് കര്ശന സാമ്പത്തിക ഉപരോധങ്ങള് ഏര്പ്പെടുത്തിയിരുന്നു. എന്നാല് റഷ്യയില് നിന്നുള്ള ദ്രവീകൃത പ്രകൃതിവാതക (എല്.എന്.ജി) ഇറക്കുമതിയില് റെക്കോര്ഡ് വര്ധനവ് രേഖപ്പെടുത്തിയത് ആഗോളതലത്തില് വലിയ ചര്ച്ചയായിരിക്കുകയാണ്. 2026 ന്റെ ആദ്യ പകുതിയില് റഷ്യയുടെ യമാല് പ്ലാന്റില് നിന്നുള്ള എല്.എന്.ജി വാങ്ങലില് യൂറോപ്യന് രാജ്യങ്ങള് വന് മുന്നേറ്റമാണ് നടത്തിയത്.
വിപണി ഗവേഷകരായ കെപ്ലര് നല്കുന്ന വിപണി വിവരങ്ങള് അനുസരിച്ച് കഴിഞ്ഞ വര്ഷത്തെ അപേക്ഷിച്ച് 18 ശതമാനം വര്ധനവോടെ 98.9 ലക്ഷം ടണ് വാതകമാണ് യൂറോപ്പ് ഇറക്കുമതി ചെയ്തത്. ഇന്ത്യന് കമ്പനികള് ഉള്പ്പെടെയുള്ള വിദേശ സ്ഥാപനങ്ങള്ക്കെതിരെ റഷ്യന് എണ്ണ വ്യാപാരത്തിന്റെ പേരില് ഉപരോധം കടുപ്പിക്കുന്നതിനിടയിലാണ് യൂറോപ്യന് യൂണിയന്റെ ഈ നടപടി. അര്ജ്വാള്ഡ് എന്ന എന്.ജി.ഒയുടെ പഠനമനുസരിച്ച്, ഏകദേശം 600 കോടി യൂറോ (ഏകദേശം 65,000 കോടി രൂപ) ഇതിനായി യൂറോപ്യന് യൂണിയന് റഷ്യക്ക് കൈമാറിയിട്ടുണ്ട്. റഷ്യയുടെ യുദ്ധ ഫണ്ടിംഗ് തടയാന് എണ്ണയുടെ വിലപരിധി വെട്ടിക്കുറയ്ക്കാന് മുന്നില് നിന്ന രാജ്യങ്ങള് തന്നെ വാതക ഇറക്കുമതിയിലൂടെ റഷ്യന് സാമ്പത്തിക വ്യവസ്ഥയ്ക്ക് താങ്ങാവുകയാണ്.
ഏഷ്യന് രാജ്യങ്ങളിലേക്കുള്ള റഷ്യന് വാതക കയറ്റുമതി 74 ശതമാനം ഇടിഞ്ഞ് 5.10 ലക്ഷം ടണ്ണിലേക്ക് താഴ്ന്ന ഘട്ടത്തിലാണ് യൂറോപ്പ് വലിയ തോതില് വിപണി ലഭ്യമാക്കിയത്. ഹ്രസ്വകാല കരാറുകള്ക്ക് വിലക്കുണ്ടെങ്കിലും ദീര്ഘകാല കരാറുകള് വഴി പ്രാദേശിക കസ്റ്റംസ് അനുമതിയോടെ പ്രകൃതി വാതകം ഇറക്കുമതി ചെയ്യാന് അനുവാദമുണ്ടെന്ന ഇളവാണ് അംഗ രാജ്യങ്ങള് പ്രയോജനപ്പെടുത്തിയത്.
ജനുവരി മുതല് ജൂണ് വരെയുള്ള കാലയളവില് ഫ്രാന്സ് (36 ലക്ഷം ടണ്), ബെല്ജിയം (29 ലക്ഷം ടണ്), സ്പെയിന് (27 ലക്ഷം ടണ്) എന്നീ രാജ്യങ്ങളാണ് ഏറ്റവും കൂടുതല് റഷ്യന് എല്.എന്.ജി സ്വന്തമാക്കിയത്.
തങ്ങളുടെ സ്വന്തം ഊര്ജ്ജ ആവശ്യങ്ങള്ക്ക് മുന്നില് ഉപരോധ രാഷ്ട്രീയവും ധാര്മ്മിക നിലപാടുകളും മാറ്റിനിര്ത്തപ്പെടുന്നതിന്റെ തെളിവാണ് ഈ കണക്കുകള്. മറ്റ് രാജ്യങ്ങളുടെ റഷ്യന് വ്യാപാരത്തെ പരസ്യമായി വിമര്ശിക്കുകയും ഉപരോധ ഭീഷണി ഉയര്ത്തുകയും ചെയ്യുന്ന യൂറോപ്യന് യൂണിയന്റെ ഈ ഇരട്ടത്താപ്പ് അന്താരാഷ്ട്ര തലത്തില് വലിയ നയതന്ത്ര തിരിച്ചടിയാകും സൃഷ്ടിക്കുക.
English Summary
Despite enforcing strict sanctions and pressuring other nations over trade with Moscow, the European Union imported a record 9.89 million tonnes of Russian liquefied natural gas (LNG) from the Yamal plant in the first half of 2026—an 18% surge from the previous year. Through long-term contract loopholes, France, Belgium, and Spain led the purchases, funneling an estimated €6 billion into Russia's economy while Asian imports fell drastically, exposing a stark geopolitical double standard as Europe's energy needs supersede its moral and diplomatic rhetoric.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201019113436.jpg)
-20260509062538.jpg)
-20260710112924.jpg)
-20260423104319.jpg)
-20260416095529.jpg)
