-20251028042152.jpg)
ഇസ്താംബൂള്: തുര്ക്കിയിലെ ഇസ്താംബൂളില് നടന്ന പാകിസ്ഥാന്-അഫ്ഗാനിസ്ഥാന് സമാധാന ചര്ച്ച പരാജയപ്പെട്ടു. തുര്ക്കിയുടെയും ഖത്തറിന്റെയും മധ്യസ്ഥതയില് നടന്ന രണ്ടാം ഘട്ട ചര്ച്ചയാണ് തീരുമാനമാകാതെ പിരിഞ്ഞത്. ചര്ച്ചയ്ക്ക് പിന്നാലെ ഇരുരാജ്യങ്ങളുടെയും വക്താക്കള് പരസ്പരം പഴിചാരി രംഗത്തെത്തി.
'പാകിസ്ഥാനി താലിബാന്' എന്നറിയപ്പെടുന്ന ഭീകരസംഘടനയായ തെഹ്രീകെ താലിബാന് പാകിസ്ഥാനെ(ടിടിപി) നിയന്ത്രിക്കാന് അഫ്ഗാനിലെ താലിബാന് ഭരണകൂടം തയ്യാറല്ലെന്നായിരുന്നു പാകിസ്ഥാന് സുരക്ഷാവക്താവിന്റെ പ്രതികരണം. പാകിസ്താനി താലിബാനെച്ചൊല്ലിയാണ് ചര്ച്ചകള് വഴിമുട്ടിയതെന്ന് അഫ്ഗാനിലെ താലിബാന് വക്താക്കളും വ്യക്തമാക്കി. അതേസമയം, പാകിസ്ഥാനി താലിബാന് മേല് തങ്ങള്ക്ക് നിയന്ത്രണമില്ലെന്ന് ചര്ച്ചയില് പറഞ്ഞതായും താലിബാന് അറിയിക്കുകയായിരുന്നു.
പാകിസ്ഥാന്-അഫ്ഗാന് സംഘര്ഷം രൂക്ഷമായി തുടരുന്നതിനിടെയാണ് ഖത്തറും തുര്ക്കിയും ഇടപെട്ട് നേരത്തേ മധ്യസ്ഥ ശ്രമങ്ങള് ആരംഭിച്ചത്. ഇതിന്റെ ഭാഗമായി ഒക്ടോബര് 19 ന് ദോഹയില് നടന്ന മധ്യസ്ഥ ചര്ച്ചയില് ഇരുരാജ്യങ്ങളും വെടിനിര്ത്തലിന് സമ്മതിച്ചിരുന്നു. തുടര്ന്ന് സമാധാന ശ്രമങ്ങളുടെ ഭാഗമായുള്ള രണ്ടാം ഘട്ട ചര്ച്ചയാണ് ഇസ്താംബൂളില് നടന്നത്. എന്നാല് ഈ ചര്ച്ചയില് തീരുമാനമൊന്നും ഉണ്ടായിരുന്നില്ല. പിന്നാലെ പാകിസ്ഥാനും അഫ്ഗാനിസ്ഥാനിലെ താലിബാന് വക്താക്കളും പരസ്പരം കുറ്റപ്പെടുത്തി രംഗത്തെത്തുകയായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260302032542.jpg)
-20260317084817.jpg)
-20201011060830.jpg)
-20260310042217.jpeg)
