ചിരഞ്ജീവിയെ നായകനാക്കി അനിൽ രാവിപുടി ഒരുക്കിയ 'മന ശങ്കര വരപ്രസാദ് ഗാരു' എന്ന ചിത്രത്തിന്റെ വൻ വിജയത്തിന് പിന്നാലെ സംവിധായകന്റെ അടുത്ത ചിത്രത്തെക്കുറിച്ചുള്ള ചർച്ചകൾ സജീവമാകുന്നു. സംക്രാന്തി റിലീസായെത്തിയ ചിത്രം 25 ദിവസത്തിനുള്ളിൽ 375 കോടി രൂപയാണ് ബോക്സ് ഓഫീസിൽ നിന്ന് സ്വന്തമാക്കിയത്. അനിൽ രാവിപുടിയുടെ അടുത്ത ചിത്രം യുവതാരം അഖിൽ അക്കിനേനിക്കൊപ്പമായിരിക്കുമെന്ന് നേരത്തെ റിപ്പോർട്ടുകളുണ്ടായിരുന്നുവെങ്കിലും, പുതിയ വിവരങ്ങൾ പ്രകാരം അദ്ദേഹം വീണ്ടും ഒരു മുതിർന്ന താരത്തോടൊപ്പം കൈകോർക്കുകയാണ്.
പ്രശസ്ത താരം വെങ്കിടേഷിനെ നായകനാക്കി ഒരു പുതിയ ചിത്രം സംവിധാനം ചെയ്യാനാണ് അനിൽ രാവിപുടി ഒരുങ്ങുന്നത് എന്നാണ് റിപ്പോർട്ടുകൾ സൂചിപ്പിക്കുന്നത്. ഇരുവരും ഒന്നിച്ച 'F2', 'F3', എന്നീ ചിത്രങ്ങൾ വൻ വിജയമായിരുന്നു. ഇതിനുപുറമെ, ചിരഞ്ജീവി ചിത്രത്തിൽ വെങ്കിടേഷ് അതിഥിവേഷത്തിലും എത്തിയിരുന്നു. 2027-ലെ സംക്രാന്തി റിലീസ് ലക്ഷ്യമിട്ട് ഒരുങ്ങുന്ന ഈ ചിത്രം ഒരു ഔട്ട് ആൻഡ് ഔട്ട് എന്റർടൈനർ ആയിരിക്കുമെന്നാണ് സൂചന.
ഈ പ്രൊജക്റ്റിലെ ഏറ്റവും വലിയ സർപ്രൈസ് മലയാളത്തിന്റെ പ്രിയതാരം ഫഹദ് ഫാസിലിന്റെ സാന്നിധ്യമാണ്. അനിൽ രാവിപുടി ഫഹദുമായി കഥ ചർച്ച ചെയ്തതായും വെങ്കിടേഷിനൊപ്പം സ്ക്രീൻ പങ്കിടാൻ താരം താല്പര്യം പ്രകടിപ്പിച്ചതായും റിപ്പോർട്ടുകൾ പറയുന്നു. ജൂൺ മാസത്തോടെ സിനിമയുടെ ചിത്രീകരണം ആരംഭിക്കാനാണ് അണിയറപ്രവർത്തകർ തീരുമാനിച്ചിരിക്കുന്നത്. നിലവിൽ സിനിമയിലെ നായികമാരെ നിശ്ചയിക്കാനുള്ള ചർച്ചകൾ പുരോഗമിക്കുകയാണ്.
കീർത്തി സുരേഷ്, പൂജ ഹെഗ്ഡെ, ആശിക രംഗനാഥ് എന്നിവരെയാണ് ചിത്രത്തിലേക്ക് പരിഗണിക്കുന്നത്. വെങ്കിടേഷിന്റെ ജോഡികളായി കീർത്തിയും പൂജയും എത്തുമ്പോൾ, ഫഹദ് ഫാസിലിന്റെ നായികയായി ആശിക രംഗനാഥ് അഭിനയിക്കുമെന്നാണ് നിലവിലെ സൂചനകൾ. വെങ്കിടേഷും ഫഹദും ഒന്നിക്കുന്ന ഒരു മൾട്ടി-സ്റ്റാറർ ചിത്രം എന്ന നിലയിൽ വലിയ പ്രതീക്ഷയാണ് ആരാധകർക്കിടയിൽ ഈ പ്രൊജക്റ്റ് ഇതിനോടകം സൃഷ്ടിച്ചിരിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260324021931.webp)
-20201113033334.jpg)
-20260324021130.webp)
-20260312030806.jpeg)
-20260323033618.jpg)
-20260319082610.jpg)
