'രാമായണ'ത്തിൽ സണ്ണി ഡിയോൾ എവിടെ? ട്രെയ്‌ലറിൽ കാണാത്ത ഹനുമാൻ എത്തുന്നത് ക്ലൈമാക്സിൽ!

SEPTEMBER 1, 2026, 11:41 PM

നിതേഷ് തിവാരി സംവിധാനം ചെയ്യുന്ന ബിഗ് ബജറ്റ് പുരാണ ചിത്രമായ 'രാമായണ: പാർട്ട് 1'-ന്റെ ട്രെയ്‌ലർ അടുത്തിടെ പുറത്തിറങ്ങിയെങ്കിലും ഹനുമാന്റെ വേഷത്തിലെത്തുന്ന ബോളിവുഡ് താരം സണ്ണി ഡിയോളിന്റെ സാന്നിധ്യമില്ലാതിരുന്നത് സിനിമാപ്രേമികൾക്കിടയിൽ വലിയ ചർച്ചയായിരുന്നു.

എന്നാൽ, ചിത്രത്തിന്റെ ഒന്നാം ഭാഗത്തിന്റെ ക്ലൈമാക്സിൽ മാത്രമായിരിക്കും സണ്ണി ഡിയോൾ പ്രത്യക്ഷപ്പെടുകയെന്നാണ് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. ബോളിവുഡ് ഹംഗാമയുടെ റിപ്പോർട്ട് പ്രകാരം, ക്ലൈമാക്‌സ് രംഗത്തിലോ അല്ലെങ്കിൽ ക്രെഡിറ്റ് സീനുകളിലോ ആയിരിക്കും ഹനുമാൻ കഥാപാത്രത്തെ പരിചയപ്പെടുത്തുന്നത്.

'ബാഹുബലി 1' അവസാനിക്കുമ്പോൾ 'എന്തുകൊണ്ട് കട്ടപ്പ ബാഹുബലിയെ കൊന്നു' എന്ന ചോദ്യം സൃഷ്ടിച്ചതുപോലെയുള്ള ഒരു വലിയ ഹൈപ്പ് രണ്ടാം ഭാഗത്തിനായി സൃഷ്ടിക്കുകയാണ് അണിയറപ്രവർത്തകരുടെ ലക്ഷ്യം.

രൺബീർ കപൂർ (ശ്രീരാമൻ), സായ് പല്ലവി (സീത), യഷ് (രാവണൻ), രവി ദുബെ (ലക്ഷ്മണൻ), ലാറ ദത്ത (കൈകേയി), രാകുൽ പ്രീത് സിംഗ് (ശൂർപ്പണഖ) തുടങ്ങിയ വൻ താരനിരയാണ് ചിത്രത്തിൽ അണിനിരക്കുന്നത്.

അരുൺ ഗോവിൽ, വിവേക് ഒബ്‌റോയ് എന്നിവരും ചിത്രത്തിലുണ്ട്. അനിമൽ സ്റ്റുഡിയോയുടെ സഹകരണത്തോടെ നമിത് മൽഹോത്ര നിർമ്മിക്കുന്ന ചിത്രത്തിന്റെ ഒന്നാം ഭാഗം 2026 ദീപാവലിക്കും രണ്ടാം ഭാഗം 2027 ദീപാവലിക്കും തിയേറ്ററുകളിലെത്തും.