ജയം രവിയും നിത്യ മോനോനും ഒന്നിക്കുന്നു

NOVEMBER 7, 2024, 6:39 PM

ജയം രവിയുടെ 'കാതലിക്ക നേരമില്ലെ' തീയറ്ററുകളിലേക്ക്. അടുത്ത മാസം 20നാണ് ചിത്രം തീയറ്ററുകളിലെത്തുക എന്നാണ് റിപ്പോർട്ടുകള്‍.

കിരുത്തിഗ ഉദയനിധി സംവിധാനം ചെയ്യുന്ന ചിത്രത്തില്‍ നിത്യ മേനോൻ ആണ് നായികാ കഥാപാത്രമായി എത്തുക. ചിത്രത്തില്‍ തനിക്കും നിത്യ മേനോനും തുല്യ പ്രധാന്യമാണുള്ളതെന്ന് ജയം രവി നേരത്തെ ഒരു അഭിമുഖത്തില്‍ പറഞ്ഞിരുന്നു.

അതുകൊണ്ട് തന്നെ നിത്യ മേനോന്റെ പേരാണ് സിനിമയില്‍ ആദ്യം ഉപയോഗിച്ചിട്ടുള്ളതെന്നും ജയം രവി വ്യക്തമാക്കിയിരുന്നു. ലക്ഷ്മി രാമകൃഷ്ണനും ചിത്രത്തില്‍ പ്രധാന വേഷത്തിലെത്തുന്നു.

ലാല്‍, വിനോദിനി, വിനയ് റായ്, ഗായകൻ മനോ എന്നിവരും കാതലിക്ക നേരമില്ലൈയില്‍ പ്രധാന വേഷം കൈകാര്യം ചെയ്യുന്നുണ്ട്. എ ആർ റഹ്‌മാനാണ് സംഗീത സംവിധാനം നിർവഹിക്കുന്നത്. ഛായാഗ്രഹണം ഗവേമിക് ആരിയാണ് നിർവഹിച്ചിരിക്കുന്നത്. എഡിറ്റിംഗ് ലോറൻസ് കിഷോർ.

ബ്രദർ ആണ് ഒടുവിലായി ജയം രവിയുടേതായി ഇറങ്ങിയ ചിത്രം. സഹോദരീ സഹോദര ബന്ധം പ്രമേശമായി ഇറങ്ങിയ ചിത്രത്തില്‍ ജയം രവിയുടെ സഹോദരിയായി എത്തിയത് ഭൂമികയാണ്.