തലൈവർ രജനികാന്തും മെഗാസ്റ്റാർ മമ്മൂട്ടിയും പ്രധാനകഥാപാത്രങ്ങളെ അവതരിപ്പിച്ച്‌ തിയേറ്ററുകളില്‍ എത്തിയ സൂപ്പർ ഹിറ്റ് സിനിമ ദളപതി റീ റിലീസിന്.

രജനികാന്തിന്റെ ജന്മദിനത്തിനോട് അനുബന്ധിച്ചാണ് ചിത്രം റീറിലീസ് ചെയ്യുന്നത്. മണിരത്‌നം സംവിധാനം ചെയ്ത ദളപതി 34 വർഷങ്ങള്‍ക്ക് ശേഷമാണ് തിയേറ്ററുകളില്‍ വീണ്ടുമെത്തുന്നത്.

2024 ഡിസംബർ 12 നാണ് ചിത്രം വീണ്ടും തിയേറ്ററുകളില്‍ എത്തുന്നത്. മമ്മൂട്ടിക്കും രജനികാന്തിനുമൊപ്പം അംരീഷ് പുരി, ശ്രീവിദ്യ , ഭാനുപ്രിയ , ശോഭന , ഗീത, അരവിന്ദ് സാമിയുമായിരുന്നു ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ചത്. മണിരത്‌നം രചനയും സംവിധാനവും നിർവഹിച്ച ചിത്രം നിർമിച്ചത് ജി വെങ്കിടേശ്വരനായിരുന്നു. 

ഹിന്ദു പുരാണമായ മഹാഭാരതത്തില്‍ നിന്ന് കർണന്റെ ജീവിതം അടിസ്ഥാനമാക്കിയായിരുന്നു ദളപതിയെന്ന ചിത്രം ഒരുക്കിയത്. ഇളയരാജയായിരുന്നു ചിത്രത്തിന്റെ സംഗീത സംവിധാനം. ദളപതി 1991 നവംബർ 5 നായിരുന്നു റിലീസ് ചെയ്തത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്