ടൊറന്റോ: വീട്ടിൽ അതിക്രമിച്ചു കയറിയ കവർച്ചക്കാരനെ വെടിവെച്ചു വീഴ്ത്തിയ വോൺ സ്വദേശിയെ പരസ്യമായി അഭിനന്ദിച്ച് ഒന്റാറിയോ പ്രീമിയർ ഡഗ് ഫോർഡ്. തോക്ക് കൈവശം വെക്കാൻ നിയമപരമായ അനുമതിയുള്ള വീട്ടുടമ തന്റെ കുടുംബത്തെ സംരക്ഷിക്കാൻ എടുത്ത തീരുമാനം ശരിയാണെന്നും, അക്രമിയെ ഒന്നിലധികം തവണ വെടിവെക്കണമായിരുന്നു എന്നുമാണ് ഫോർഡ് പ്രസ്താവിച്ചത്.
ബുധനാഴ്ച നടന്ന വാർത്താ സമ്മേളനത്തിലാണ് ഡഗ് ഫോർഡ് ഈ വിവാദ പരാമർശങ്ങൾ നടത്തിയത്. "നിങ്ങളുടെ കുടുംബത്തെ ഉപദ്രവിക്കാൻ മുൻവാതിൽ തകർത്ത് അകത്തുകയറുന്ന ഇത്തരം ക്രിമിനലുകളെ വെടിവെക്കുക തന്നെ വേണം. ബാക്കിയുള്ള കവർച്ചക്കാർക്ക് ഇതൊരു പാഠമാകട്ടെ. ആ വീട്ടുടമയെ ഞാൻ അഭിനന്ദിക്കുന്നു," ഫോർഡ് പറഞ്ഞു.
ക്രിമിനലുകൾക്ക് ജാമ്യം നൽകുന്ന നീതിന്യായ വ്യവസ്ഥയെയും അദ്ദേഹം രൂക്ഷമായി വിമർശിച്ചു. "ചില ജഡ്ജിമാർ നട്ടെല്ലില്ലാത്തവരാണ്. അക്രമികൾക്ക് അവർ വീണ്ടും വീണ്ടും ജാമ്യം നൽകുന്നു. ഇത്തരം ക്രൂരരായ കുറ്റവാളികൾ ജീവിതകാലം മുഴുവൻ ജയിലിൽ കിടന്ന് നരകിക്കണം," അദ്ദേഹം കൂട്ടിച്ചേർത്തു.
ചൊവ്വാഴ്ച പുലർച്ചെ വോണിലെ ഒരു വീട്ടിൽ മൂന്ന് സായുധ കവർച്ചക്കാർ വാതിൽ തകർത്ത് അകത്തുകയറുകയായിരുന്നു. വീട്ടിലുണ്ടായിരുന്ന ആൾ തന്റെ ലൈസൻസുള്ള തോക്കെടുത്ത് കവർച്ചക്കാർക്ക് നേരെ വെടിയുതിർത്തു. ഇതിന്റെ സിസിടിവി ദൃശ്യങ്ങൾ പോലീസ് പുറത്തുവിട്ടിട്ടുണ്ട്. വെടിയേറ്റ ഒരു പ്രതിയെ പിന്നീട് ആശുപത്രിയിൽ പ്രവേശിപ്പിച്ചു.
ആത്മരക്ഷാർത്ഥം നടത്തിയ നീക്കമായതിനാൽ വീട്ടുടമയ്ക്കെതിരെ പോലീസ് കേസെടുത്തിട്ടില്ല. വെടിയേറ്റ പ്രതി 24 വയസ്സുകാരനായ ട്രെസ്റ്റിൻ കസനോവ-അൽമാൻ ആണെന്ന് തിരിച്ചറിഞ്ഞു. ഇയാൾ നേരത്തെയും നിരവധി അക്രമാസക്തമായ കുറ്റകൃത്യങ്ങളിൽ പങ്കാളിയാണെന്നും പോലീസ് അറിയിച്ചു.
കാനഡയിലെ ജാമ്യ നിയമങ്ങൾ (Bail system) തകരാറിലാണെന്ന് വോൺ മേയർ സ്റ്റീവൻ ഡെൽ ഡൂക്കയും അഭിപ്രായപ്പെട്ടു. സ്വന്തം വീടിനുള്ളിൽ ഇത്തരമൊരു അവസ്ഥ ആർക്കും ഉണ്ടാകാൻ പാടില്ലെന്നും ഫെഡറൽ സർക്കാർ അടിയന്തരമായി നിയമപരിഷ്കാരം നടത്തണമെന്നും അദ്ദേഹം ആവശ്യപ്പെട്ടു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260317025618.jfif)
-20260113030115.webp)
-20260113030115.webp)
