-20260113030002.webp)
കാനഡ പ്രധാനമന്ത്രി മാർക്ക് കാർണിയുടെ സർക്കാർ, മുൻ പ്രധാനമന്ത്രി ജസ്റ്റിൻ ട്രൂഡോയുടെ ഭരണകാലത്ത് നടപ്പാക്കിയ പ്രധാന പാരിസ്ഥിതിക പരിശോധനാ നടപടികളിൽ മാറ്റം വരുത്തുന്നു. രാജ്യത്തെ ഏറ്റവും വലിയ വ്യാവസായിക പദ്ധതികളിൽ ചിലതിന്റെ പരിസ്ഥിതി മേൽനോട്ടം ഇതോടെ ദുർബലമാകുമെന്ന് പരിസ്ഥിതി സംഘടനകൾ വിമർശിച്ചു.
ബുധനാഴ്ച കാനഡ ഗസറ്റിൽ പ്രസിദ്ധീകരിച്ച പുതിയ ഉത്തരവ് പ്രകാരം നിരവധി ഊർജ പദ്ധതികളെ ഫെഡറൽ സ്വാധീന വിലയിരുത്തൽ സംവിധാനത്തിൽ നിന്ന് ഒഴിവാക്കും. പകരം ഇത്തരം പദ്ധതികളുടെ പരിശോധനയുടെ ചുമതല കാനഡ എനർജി റെഗുലേറ്ററിന് നൽകും.
ഒരൊറ്റ ഫെഡറൽ നിയന്ത്രണ ഏജൻസിയെ ചുമതലപ്പെടുത്തുന്നതിലൂടെ പദ്ധതികളുമായി ബന്ധപ്പെട്ട തീരുമാനമെടുക്കൽ നടപടികൾ കൂടുതൽ ലളിതമാക്കാനാണ് മാറ്റമെന്ന് കാനഡ സർക്കാർ വ്യക്തമാക്കി.
എന്നാൽ സർക്കാർ നടപടിക്കെതിരെ പരിസ്ഥിതി സംഘടനകൾ ശക്തമായി രംഗത്തെത്തി.
കാലാവസ്ഥാ ദുരന്തങ്ങൾ രൂക്ഷമായിക്കൊണ്ടിരിക്കുന്ന സാഹചര്യത്തിൽ എണ്ണ പൈപ്പ്ലൈനുകളും വാതക പ്ലാന്റുകളും പോലുള്ള കൂടുതൽ മലിനീകരണമുണ്ടാക്കുന്ന പദ്ധതികളുടെ സമഗ്രമായ പരിസ്ഥിതി പരിശോധനയിൽനിന്ന് സർക്കാർ പിന്മാറുകയാണെന്ന് എൻവയോൺമെന്റൽ ഡിഫൻസിലെ ജൂലിയ ലെവിൻ ആരോപിച്ചു.
വലിയ പദ്ധതികൾക്ക് യഥാർഥവും സമഗ്രവുമായ പരിശോധന നടത്തണമെന്ന വ്യവസ്ഥയിൽ നിന്ന് കാർണി സർക്കാർ പിന്നോട്ടുപോകുകയാണെന്നും അവർ പറഞ്ഞു.
2025ലെ ഫെഡറൽ തിരഞ്ഞെടുപ്പിന് ശേഷം വലിയ പദ്ധതികൾക്ക് അനുമതി നൽകുന്ന നടപടികൾ വേഗത്തിലാക്കണമെന്നും വിവിധ സർക്കാർ ഏജൻസികൾ നടത്തുന്ന പരിശോധനകളിലെ ആവർത്തനം കുറയ്ക്കണമെന്നും കാർണി സർക്കാർ നിലപാട് വ്യക്തമാക്കിയിരുന്നു.
‘ഒരു പദ്ധതി, ഒരു പരിശോധന’ എന്ന സമീപനമാണ് ഒട്ടാവ മുന്നോട്ടുവയ്ക്കുന്നത്. ഫെഡറൽ തലത്തിലുള്ള തീരുമാനമെടുക്കൽ ഏകോപിപ്പിക്കുകയും നിരവധി പൈപ്പ്ലൈൻ, ഊർജ പദ്ധതികളുടെ പ്രധാന പരിശോധനാ ചുമതല കാനഡ എനർജി റെഗുലേറ്ററിന് നൽകുകയും ചെയ്യുന്നതിലൂടെ അനുമതി നടപടികൾ വേഗത്തിലാക്കുകയാണ് ലക്ഷ്യം.
പുതിയ മാറ്റത്തിന് ഊർജ മേഖലയിലെ കമ്പനികളുടെ പിന്തുണയുണ്ടെന്നും സർക്കാർ രേഖ വ്യക്തമാക്കുന്നു. എല്ലാ പൈപ്പ്ലൈൻ പദ്ധതികളും കാനഡ എനർജി റെഗുലേറ്റർ മാത്രം പരിശോധിക്കുന്ന സംവിധാനത്തെ വ്യവസായ മേഖലയിലെ പ്രതിനിധികൾ ശക്തമായി പിന്തുണച്ചതായി സർക്കാർ അറിയിച്ചു.
നിയന്ത്രണങ്ങളിലെ വ്യക്തത വർധിപ്പിക്കാനും ആവർത്തന പരിശോധനകൾ ഒഴിവാക്കാനും അനുമതി നടപടികൾ വേഗത്തിലാക്കാനും ഈ മാറ്റം സഹായിക്കുമെന്ന് വ്യവസായ മേഖലയിലുള്ളവർ കരുതുന്നതായും സർക്കാർ വ്യക്തമാക്കി.
അടുത്തയാഴ്ച ടൊറന്റോയിൽ കാർണി നേതൃത്വം നൽകുന്ന കാനഡ ഇൻവെസ്റ്റ്മെന്റ് ഉച്ചകോടി നടക്കാനിരിക്കെയാണ് പുതിയ നീക്കം. അടുത്ത അഞ്ച് വർഷത്തിനിടെ ഒരു ട്രില്യൺ ഡോളറിന്റെ പുതിയ നിക്ഷേപം രാജ്യത്തേക്ക് എത്തിക്കുകയെന്ന ലക്ഷ്യത്തോടെ വൻകിട അടിസ്ഥാന സൗകര്യ പദ്ധതികളിലേക്ക് നിക്ഷേപകരെ ആകർഷിക്കാനുള്ള ശ്രമത്തിന്റെ ഭാഗമായാണ് ഉച്ചകോടി സംഘടിപ്പിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201011060828.jpg)
-20260119112532.webp)
-20201011060830.jpg)
-20260727111948.jpg)
-9-20260113024610.webp)
