അമേരിക്കൻ പ്രസിഡൻ്റ് ഡൊണാൾഡ് ട്രംപിൻ്റെ പുതിയ നീക്കത്തിനെതിരെ രൂക്ഷ വിമർശനവുമായി വെനസ്വേല രംഗത്ത്. വെനസ്വേലയുടെ വ്യോമാതിർത്തി പൂർണ്ണമായും അടച്ചിടണമെന്ന ട്രംപിൻ്റെ പ്രസ്താവനയ്ക്കെതിരെയാണ് വെനസ്വേലൻ വിദേശകാര്യ മന്ത്രാലയം ശക്തമായ ഭാഷയിൽ പ്രതികരിച്ചത്. ട്രംപിൻ്റെ ഈ നടപടി വെനസ്വേലൻ ജനതയ്ക്ക് നേരെയുള്ള "നിയമവിരുദ്ധവും നീതീകരിക്കാനാവാത്തതുമായ ആക്രമണമാണെന്ന്" വിദേശകാര്യ മന്ത്രാലയം പ്രസ്താവനയിൽ അറിയിച്ചു.
മയക്കുമരുന്ന് കടത്തും മനുഷ്യക്കടത്തും തടയുന്നതിൻ്റെ ഭാഗമായി വെനസ്വേലയുടെ മുകളിലൂടെയും പരിസരത്തുമുള്ള വ്യോമാതിർത്തി അടച്ചിടുകയാണെന്നാണ് ട്രംപ് തൻ്റെ സോഷ്യൽ മീഡിയ പ്ലാറ്റ്ഫോമായ ട്രൂത്ത് സോഷ്യലിലൂടെ പ്രഖ്യാപിച്ചത്.
വിമാനക്കമ്പനികൾക്കും പൈലറ്റുമാർക്കും ഇതുസംബന്ധിച്ച കർശന നിർദ്ദേശവും അദ്ദേഹം നൽകിയിരുന്നു. എന്നാൽ, ഇത് ഒരു പരമാധികാര രാജ്യത്തിന് മേലുള്ള കടന്നുകയറ്റമാണെന്നും കൊളോണിയലിസ്റ്റ് മനോഭാവത്തോടെയുള്ള ഭീഷണിയാണെന്നും വെനസ്വേല കുറ്റപ്പെടുത്തി.
അമേരിക്കയുടെ ഈ നീക്കം അന്താരാഷ്ട്ര നിയമങ്ങളുടെ ലംഘനമാണെന്ന് ചൂണ്ടിക്കാട്ടിയ വെനസ്വേല, ഐക്യരാഷ്ട്രസഭയും മറ്റ് അന്താരാഷ്ട്ര സമൂഹങ്ങളും ഇതിനെതിരെ പ്രതികരിക്കണമെന്നും ആവശ്യപ്പെട്ടു. കരീബിയൻ മേഖലയിൽ അമേരിക്കൻ സൈനിക വിന്യാസം വർധിച്ചുവരുന്ന സാഹചര്യത്തിൽ, ട്രംപിൻ്റെ ഈ പ്രഖ്യാപനം ഇരുരാജ്യങ്ങളും തമ്മിലുള്ള ബന്ധം കൂടുതൽ വഷളാക്കിയിരിക്കുകയാണ്.
വെനസ്വേലൻ പ്രസിഡൻ്റ് നിക്കോളാസ് മഡൂറോയെയും ഉന്നത ഉദ്യോഗസ്ഥരെയും ലക്ഷ്യമിട്ടുള്ള അമേരിക്കൻ ഉപരോധങ്ങൾക്ക് പിന്നാലെയാണ് പുതിയ വ്യോമ വിലക്കും വന്നിരിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20251022123951.jpg)
ഇന്ത്യക്കാർ 'പുതിയ എണ്ണയും കൽക്കരിയുമാണ്'; അമേരിക്കയെ തിരുത്തി കുടിയേറ്റ വിദഗ്ധൻ; എച്ച്-1ബി വിസയിലെ
ട്രംപിന്റെ നരകം കാണിക്കുമെന്ന അന്ത്യശാസനം പുല്ലുപോലെ തള്ളി ഇറാൻ; വെടിനിർത്തലില്ലെന്ന് പ്രഖ്യാപനം; ഹോർമുസ്
ചരിത്രം കുറിച്ച് ആർട്ടെമിസ് ദൗത്യം; ചന്ദ്രനിലെത്തി നാസയുടെ യാത്രികർ; ഭൂമിയിൽ നിന്നുള്ള ദൂരത്തിൽ
ഇറാന്റെ എണ്ണക്കണ്ണായ ഖാർഗ് ദ്വീപ് പിടിച്ചെടുക്കാനുള്ള അമേരിക്കൻ കരസേനാ നീക്കത്തിന്റെ പ്ലാൻ പുറത്ത്
1-20260327114858.jpg)
-20251022123955.jpg)
