അമേരിക്കയിൽ നിലവിൽ താമസിക്കുന്ന വിദേശ പൗരന്മാർക്ക് സ്ഥിരതാമസത്തിനുള്ള ഗ്രീൻ കാർഡ് ലഭിക്കുന്നത് കടുപ്പിച്ച യുഎസ് അഡ്ജസ്റ്റ്മെന്റ് ഓഫ് സ്റ്റാറ്റസ് (AOS) നയങ്ങൾക്കെതിരെ നിയമപോരാട്ടം ശക്തമാകുന്നു. പുതിയ നിബന്ധനകൾ കാരണം അപേക്ഷകർ രാജ്യം വിട്ട് സ്വന്തം നാട്ടിലെ കോൺസുലേറ്റുകൾ വഴി അപേക്ഷിക്കാൻ നിർബന്ധിതരാകുന്ന പശ്ചാത്തലത്തിലാണ് യുഎസ്സിഐഎസിനും ഡെപ്യൂട്ട്മെന്റ് ഓഫ് ഹോംലാന്റ് സെക്യൂരിറ്റിക്കുമെതിരെ കോടതിയെ സമീപിച്ചത്.

തൊഴിലാളി യൂണിയനുകൾ, സർവ്വകലാശാലാ അധ്യാപക സംഘടനകൾ, കുടിയേറ്റക്കാരുടെ അവകാശങ്ങൾക്കായി പ്രവർത്തിക്കുന്ന നിയമ സഹായ ഗ്രൂപ്പുകൾ എന്നിവർ സംയുക്തമായാണ് മാസാച്യുസെറ്റ്സിലെ യുഎസ് ഡിസ്ട്രിക്റ്റ് കോടതിയിൽ ഹർജി നൽകിയത്. അമേരിക്കയിൽ നിയമപരമായി തുടരുമ്പോൾ തന്നെ രാജ്യത്ത് നിന്ന് പുറത്തുപോകാതെ ഗ്രീൻ കാർഡിനായി അപേക്ഷിക്കാനുള്ള ദീർഘകാല അവകാശത്തെ തകർക്കുന്നതാണ് ഈ പുതിയ നിർദ്ദേശങ്ങളെന്ന് ഹർജിയിൽ ചൂണ്ടിക്കാണിക്കുന്നു.

നേരത്തെ പ്രാബല്യത്തിൽ വന്ന രണ്ട് പുതിയ പോളിസി മെമ്മോകൾ പ്രകാരം, ഒരു വ്യക്തി അമേരിക്കയിൽ തുടർന്ന് അഡ്ജസ്റ്റ്മെന്റ് ഓഫ് സ്റ്റാറ്റസ് മാർഗ്ഗം തിരഞ്ഞെടുക്കുന്നത് അപേക്ഷയിൽ ഒരു നെഗറ്റീവ് ഘടകമായി കാണാൻ ഇമിഗ്രേഷൻ ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്. അപേക്ഷകർക്ക് അസാധാരണമായ പ്രത്യേക കാരണങ്ങൾ തെളിയിക്കാൻ കഴിഞ്ഞില്ലെങ്കിൽ അപേക്ഷ തള്ളപ്പെടാനും സാധ്യതയേറെയാണ്.

ഈ പുതിയ നയമാറ്റം ദശലക്ഷക്കണക്കിന് ഇന്ത്യൻ ഐടി ജീവനക്കാരെയും ഉയർന്ന യോഗ്യതയുള്ള വിദേശ തൊഴിലാളികളെയും കുടുംബങ്ങളെയും നേരിട്ട് പ്രതികൂലമായി ബാധിക്കും. വർഷങ്ങളായി അമേരിക്കയിൽ താമസിച്ച് ജോലി ചെയ്തുവരുന്ന ഇന്ത്യാക്കാർ അടക്കമുള്ള കുടിയേറ്റക്കാർക്ക് ഗ്രീൻ കാർഡ് പ്രക്രിയയ്ക്കായി സ്വന്തം ജോലി ഉപേക്ഷിച്ച് മാതൃരാജ്യത്തേക്ക് പോകേണ്ടിവരുന്നത് വലിയ സാമ്പത്തിക പ്രതിസന്ധിയും തൊഴിൽ നഷ്ടവും ഉണ്ടാക്കും.

പതിറ്റാണ്ടുകളായി കോൺഗ്രസ് അനുവദിച്ചിരുന്ന ആനുകൂല്യങ്ങളെ അട്ടിമറിക്കുന്ന ഇത്തരം വിവേചനപരമായ നയങ്ങൾ റദ്ദാക്കണമെന്നാണ് ഹർജിക്കാരുടെ പ്രധാന ആവശ്യം. നിലവിൽ അപേക്ഷ നൽകി കാത്തിരിക്കുന്ന നിരവധി ഫോം I-485 അപേക്ഷകരുടെ ഭാവിയും കോടതിയുടെ അന്തിമ വിധി അനുസരിച്ചായിരിക്കും നിർണ്ണയിക്കപ്പെടുക.

അമേരിക്കൻ ഇമിഗ്രേഷൻ ഏജൻസികളുടെ ഈ കർശന നിലപാട് വിദേശ വിദ്യാർത്ഥികൾക്കും പ്രൊഫഷണലുകൾക്കും വലിയ ആശങ്കയാണ് ഉണ്ടാക്കിയിരിക്കുന്നത്. അപേക്ഷ നിഷേധിക്കപ്പെട്ടാൽ ഉടൻ തന്നെ യുഎസ് വിടേണ്ടി വരുമെന്ന ഭീതിയിലാണ് ഭൂരിഭാഗം പേരും.

വരും ദിവസങ്ങളിൽ ഫെഡറൽ കോടതിയിൽ നിന്നും ഈ വിഷയത്തിൽ ഉണ്ടാകുന്ന താൽക്കാലിക ഉത്തരവുകൾ ഇമിഗ്രേഷൻ രംഗത്ത് വളരെ നിർണ്ണായകമാകും. കുടിയേറ്റക്കാരായ തൊഴിലാളികൾക്ക് ആശ്വാസം ലഭിക്കുമെന്ന പ്രതീക്ഷയിലാണ് പ്രവാസി സമൂഹം.

English Summary: A coalition of labor unions, university faculty groups, and legal aid organizations has filed a lawsuit in a US Federal Court against new USCIS green card rules. The complaint challenges policy memos that make it significantly harder for eligible immigrants to adjust status within the United States, forcing many to consider leaving the country for consular processing.

Tags: Malayalam News, News Malayalam, Latest Malayalam News, Vachakam News, USA News, USA News Malayalam, World News Malayalam, Green Card, USCIS

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്