വാഷിംഗ്‌ടൺ: അന്താരാഷ്ട്ര വിപണിയിൽ തങ്ങളുടെ താല്പര്യങ്ങൾ സംരക്ഷിക്കുന്നതിനായി കർശന നടപടികളുമായി അമേരിക്കൻ ഭരണകൂടം മുന്നോട്ട്. പ്രമുഖ വ്യാപാര പങ്കാളികളായ 16 രാജ്യങ്ങൾക്കെതിരെ അന്യായമായ വ്യാപാര രീതികൾ ആരോപിച്ച് യുണൈറ്റഡ് സ്റ്റേറ്റ്സ് ബുധനാഴ്ച അന്വേഷണം പ്രഖ്യാപിച്ചു.

അടുത്തിടെ അമേരിക്കൻ സുപ്രീം കോടതി നിയമവിരുദ്ധമെന്ന് വിധിച്ച് റദ്ദാക്കിയ ഇറക്കുമതി തീരുവകൾ പുനഃസ്ഥാപിക്കാനുള്ള പ്രസിഡന്റ് ഡൊണാൾഡ് ട്രംപിന്റെ അടിയന്തര നീക്കത്തിന്റെ ഭാഗമായാണ് ഈ നടപടി.

1974-ലെ വ്യാപാര നിയമത്തിലെ സെക്ഷൻ 301 പ്രകാരമാണ് ഈ അന്വേഷണങ്ങൾ നടക്കുന്നത്. അന്യായമായ വ്യാപാര നയങ്ങൾ പിന്തുടരുന്ന രാജ്യങ്ങൾക്കെതിരെ ഉയർന്ന നികുതി ചുമത്താനോ മറ്റ് തിരിച്ചടി നടപടികൾ സ്വീകരിക്കാനോ ഈ നിയമം അമേരിക്കൻ വ്യാപാര പ്രതിനിധിക്ക് അധികാരം നൽകുന്നുണ്ട്.

അമേരിക്കൻ ഉൽപ്പന്ന നിർമ്മാതാക്കളെ ദോഷകരമായി ബാധിക്കുന്ന നയങ്ങളാണ് ഈ രാജ്യങ്ങൾ സ്വീകരിക്കുന്നതെന്ന് ഭരണകൂടം ആരോപിക്കുന്നു. അന്വേഷണം നേരിടുന്ന 16 രാജ്യങ്ങളിൽ സിംഗപ്പൂർ ഒഴികെയുള്ള മറ്റെല്ലാ രാജ്യങ്ങളും അമേരിക്കയുമായുള്ള വ്യാപാരത്തിൽ വലിയ ലാഭമുണ്ടാക്കുന്നതായാണ് കണക്കുകൾ വ്യക്തമാക്കുന്നത്.

യൂറോപ്യൻ യൂണിയൻ, ചൈന, മെക്സിക്കോ, വിയറ്റ്നാം തുടങ്ങിയ രാജ്യങ്ങളാണ് പട്ടികയിൽ മുന്നിലുള്ളത്. ഇന്ത്യയുമായുള്ള വ്യാപാരത്തിലും അമേരിക്കയ്ക്ക് വൻതോതിലുള്ള കുറവ് രേഖപ്പെടുത്തിയിട്ടുണ്ട്. 2025-ലെ കണക്കുകൾ പ്രകാരം ഇന്ത്യയുമായുള്ള വ്യാപാര കമ്മി ഏകദേശം 58,216 ദശലക്ഷം ഡോളറാണ്. ചൈന, ജപ്പാൻ, തെക്കൻ കൊറിയ തുടങ്ങിയ ഏഷ്യൻ രാജ്യങ്ങളും ഈ നിരീക്ഷണ പരിധിയിൽ ഉൾപ്പെടുന്നു. അമേരിക്കൻ വിപണിയിലെ തദ്ദേശീയ ഉൽപ്പന്നങ്ങളുടെ സുരക്ഷ ഉറപ്പാക്കാനായി വരും ദിവസങ്ങളിൽ കൂടുതൽ നിയന്ത്രണങ്ങൾ ഉണ്ടാകുമെന്നാണ് സൂചന.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്