ഷിക്കാഗോ: പതിനഞ്ചാം വാർഷികം ആഘോഷിക്കുന്ന ഷിക്കാഗോ സെന്റ് മേരീസ് ക്‌നാനായ കത്തോലിക്കാ ഇടവകയുടെ പ്രധാന തിരുനാളിനായുള്ള ഒരുക്കങ്ങൾ പുരോഗമിക്കുന്നു. പതിഞ്ചാം വാർഷികാഘോഷ കമ്മറ്റിയും തിരുനാൾ ഏറ്റെടുത്തു നടത്തുന്ന മെൻ മിനിസ്ട്രി ഭാരവാഹികളും കൂടാരയോഗം ഭാരവാഹികളും സംയുക്തമായി ചേർന്ന് ഒരുക്കങ്ങൾ വിലയിരുത്തി. 

ജൂൺ, ജൂലൈ മാസങ്ങളിലായി നടത്തപ്പെടുന്ന 15-ാം വാർഷികാഘോഷങ്ങളുടെ ഭാഗമായ പരിപാടികളുടെ ഒരുക്കങ്ങളും ആഗസ്റ്റ് മൂന്നാം തീയതിമുതൽ 11-ാം തീയതിവരെ നടത്തപ്പെടുന്ന തിരുനാളിന്റെ ഭാഗമായ ഒരുക്കങ്ങളും സംയുക്ത കമ്മറ്റി വിലയിരുത്തി. 

ജൂൺ മാസം 14ന് നടത്തപ്പെടുന്ന യൂത്ത് മിനിസ്ട്രിയുടെ പരിപാടി, 15-ാം തീയതി നടത്തപ്പെടുന്ന ഫാദേഴ്‌സ് ഡേ ആഘോഷങ്ങൾ,  ജൂൺ 30ന് കോട്ടയം അതിരൂപത സഹായ മെത്രാൻ ഗീവർഗ്ഗീസ് മാർ. അപ്രേം പിതാവ് മലങ്കര റീത്തിൽ  അർപ്പിക്കുന്ന കുർബ്ബാനയുടെയും തുടർന്ന് നടത്തപ്പെടുന്ന 70 വയസ്സിനു മുകളിലുള്ളവരുടെ ഒത്തുചേരൽ അടക്കമുള്ള പരിപാടികളുടെ തയ്യാറെടുപ്പുകൾ കമ്മറ്റി വിലയിരുത്തി. 

വിവിധ പരിപാടികളുടെ വിജയകരമായ നടത്തിപ്പിനായി കൂടാരയോഗങ്ങൾ കേന്ദ്രീകരിച്ച് പരിപാടികൾ തയ്യാറാക്കുവാനും അവ മികച്ച രീതിയിൽ നടത്തുവാൻ വേണ്ട പിന്തുണ ലഭ്യമാക്കുവാനും യോഗം തീരുമാനിച്ചു.

വികാരി. ഫാ. സിജു മുടക്കോടിൽ അധ്യക്ഷത വഹിച്ചു. അസി. വികാരി ഫാ. അനീഷ് മാവേലി പുത്തൻപുര, സെക്രട്ടറി സിസ്റ്റ്‌സർ ഷാലോം, കൈക്കാരന്മാരായ സാബു കട്ടപ്പുറം, ബിനു പൂത്തുറയിൽ, ലൂക്കോസ് പൂഴിക്കുന്നേൽ, ജോർജ്ജ് മറ്റത്തിപ്പറമ്പിൽ, യൂത്ത് കൈക്കാരൻ നിബിൻ വെട്ടിക്കാട്ട്, പാരിഷ് കൗൺസിൽ സെക്രട്ടറി സണ്ണി മേലേടം, പി.ആർ.ഒ. അനിൽ മറ്റത്തിക്കുന്നേൽ, മുൻ മിനിസ്ട്രി കൺവീനർമാർ പോൾസൺ കുളങ്ങര, ജോണിക്കുട്ടി പിള്ളവീട്ടിൽ, സിബി കൈതക്കത്തൊട്ടിയിൽ, 15-ാം വാർഷിക കമ്മറ്റിയിലെ അംഗങ്ങൾ, കൂടാരയോഗം & മിനിസ്ട്രി  കോർഡിനേറ്റേഴ്‌സ് എന്നിവർ യോഗത്തിൽ പങ്കെടുത്തു.

അനിൽ മറ്റത്തിക്കുന്നേൽ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്