അമേരിക്കൻ ഐക്യനാടുകളിലെ ഒഹായോ ഗവർണർ തിരഞ്ഞെടുപ്പിൽ റിപ്പബ്ലിക്കൻ സ്ഥാനാർത്ഥിയായ വിവേക് രാമസ്വാമിക്ക് തോൽവി. കേരളത്തിൽ നിന്നുള്ള കുടിയേറ്റക്കാരുടെ മകനായ അദ്ദേഹത്തെ ഡെമോക്രാറ്റിക് സ്ഥാനാർത്ഥി ആമി ആക്ടൺ പരാജയപ്പെടുത്തുകയായിരുന്നു.
രണ്ട് ലക്ഷത്തിലധികം വോട്ടുകളുടെ ഭൂരിപക്ഷത്തിലാണ് ആമി ആക്ടൺ വിജയം ഉറപ്പിച്ചത്. മെയ് മാസത്തിൽ നടന്ന റിപ്പബ്ലിക്കൻ പ്രൈമറിയിൽ യുഎസ് പ്രസിഡന്റ് ഡൊണാൾഡ് ട്രംപിന്റെ പിന്തുണയോടെയാണ് രാമസ്വാമി വിജയിച്ചത്. എന്നാൽ, പൊതുതിരഞ്ഞെടുപ്പിൽ ഈ പിന്തുണ വിജയത്തിലെത്തിക്കാൻ അദ്ദേഹത്തിന് സഹായകമായില്ല.
ആമി ആക്ടണിന് 50.90 ശതമാനം വോട്ടുകൾ ലഭിച്ചപ്പോൾ, വിവേക് രാമസ്വാമിക്ക് 45.75 ശതമാനം വോട്ടുകൾ മാത്രമാണ് നേടാനായത്. ആമിക്ക് ആകെ 21,08,302 വോട്ടുകളാണ് ലഭിച്ചത്. അതേസമയം, രാമസ്വാമിക്ക് 18,95,031 വോട്ടുകൾ നേടാനായി.
1,38,660 വോട്ടുകളോടെ ലിബർട്ടേറിയൻ പാർട്ടി പ്രതിനിധി ഡോൺ കിസിക് മൂന്നാം സ്ഥാനത്തെത്തി.
ആമി ആക്ടന്റെ ഈ ജയം 2006-ന് ശേഷം ആദ്യമായി ഒഹായോ ഗവർണർ സ്ഥാനം ഡെമോക്രാറ്റിക് പാർട്ടിക്ക് നേടിക്കൊടുത്തു. ബയോടെക് രംഗത്തെ സംരംഭകനും ശതകോടീശ്വരനുമായ വിവേക് രാമസ്വാമി തന്റെ ഒഹായോയിലെ പ്രചാരണങ്ങൾക്കായി ഏകദേശം 36 മില്യൺ ഡോളറാണ് സ്വന്തം നിലയ്ക്ക് ചിലവഴിച്ചത്. ഇത് ആമി ആക്ടന്റെ പ്രചാരണച്ചെലവിനേക്കാൾ കൂടുതലായിരുന്നിട്ടും അദ്ദേഹത്തിന് വിജയിക്കാൻ സാധിച്ചില്ല.
English Summary: Vivek Ramaswamy, a Republican candidate of Keralite origin, suffered a significant defeat in the Ohio gubernatorial election, despite the support of US President Donald Trump and a multi-million dollar campaign. Democratic candidate Amy Acton won by over two lakh votes, securing 50.90 percent of the total votes compared to Ramaswamy's 45.75 percent. Acton's victory marks the Democratic Party's return to the Ohio governorship for the first time since 2006.
Tags: Malayalam News, News Malayalam, Latest Malayalam News, Vachakam News, USA News, USA News Malayalam, Ohio Election, Vivek Ramaswamy, Amy Acton, US Politics
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201011062608.jpg)
-20261104063604.jpg)
-20261104053108.jpg)
