റോക്ക്ലാൻഡ് സെന്റ് മേരീസ് ക്നാനായ കത്തോലിക്കാ പള്ളി സംഘടിപ്പിച്ച മാതൃദിനാഘോഷം വിവിധ പരിപാടികളോടെ നടന്നു. മെയ് 10 ഞായറാഴ്ച രാവിലെ വിശുദ്ധ കുർബാനയോടെയാണ് ആഘോഷങ്ങൾ ആരംഭിച്ചത്. മാതൃദിനത്തോടനുബന്ധിച്ച് എല്ലാ അമ്മമാരുടെയും പ്രത്യേക കാഴ്ച സമർപ്പണവും നടത്തി.
തുടർന്ന് വികാരി ഫാ. ജോബി പുച്ചൂക്കണ്ടത്തിലും കുട്ടികളും ചേർന്ന് അമ്മമാരെ സമ്മാനങ്ങൾ നൽകി ആദരിച്ചു. വിശുദ്ധ കുർബാനയ്ക്ക് ശേഷം ഇടവകയിലെ ഇവന്റ്സ് കമ്മിറ്റിയുടെ നേതൃത്വത്തിൽ വിവിധ കലാപരിപാടികളും കുടുംബസംഗമവും സംഘടിപ്പിച്ചു.
മാതൃദിനത്തോടനുബന്ധിച്ച് കുട്ടികൾക്കായി നടത്തിയ വിവിധ മത്സരങ്ങളിലെ വിജയികൾക്ക് സമ്മാന വിതരണവും നടത്തി. ലേഖന മത്സരത്തിൽ അലിയാ ഫിലിപ്പ് പൊട്ടംകുഴിയിൽ, ജേക്കബ് മൂലേപറമ്പിൽ, ഹെൽന ജിമ്മി പുളിയാനാൽ, തോമസ്കുട്ടി പുണംചിറ എന്നിവർ യഥാക്രമം ഒന്നാം, രണ്ടാം, മൂന്നാം സ്ഥാനങ്ങൾ നേടി.
ചിത്രരചന മത്സരത്തിൽ ഡേവിഡ് വടക്കേക്കര, സായൻ ചാക്കോ, അരയംതാനത്തു, മില മാത്യു പാണപറമ്പിൽ, ഡെറിക് പുളിയിലകുന്നേൽ എന്നിവർ വിജയികളായി.
ഇടവക കൈക്കാരന്മാരായ ജസ്റ്റിൻ ചാമക്കാലയിൽ, ജിമ്മി പുളിയാനയിൽ, ജോസഫ് കിഴങ്ങാട്ട് എന്നിവർ ഉൾപ്പെടെ സിബി മണലേൽ, ലിന്റ വില്ലൂത്ര, ആശാ സ്റ്റീഫൻ മൂലേപറമ്പിൽ, ക്രിസ് അമ്പനാട്ട്, സനു കൊല്ലറേട്ട്, ലിബിൻ പാണാപറമ്പിൽ, ജോയ് വാഴമല, കൃപ ചാലുപറമ്പിൽ, ബേസിൽ പുലിമനക്കൽ,കെവിൻ വാഴമല, തോമസ് ഇഞ്ചേനാട്ടിൽ എന്നിവരും ഇവന്റ്സ് കമ്മിറ്റി അംഗങ്ങളും പരിപാടികൾക്ക് നേതൃത്വം നൽകി.
തോമസ് പാലിച്ചേരി
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
