ഹൂസ്റ്റൺ: സീറോ മലബാർ സഭയുടെ പിതാവും തലവനുമായുള്ള ഉത്തരവാദിത്തം ഏറ്റെടുത്ത ശേഷം ആദ്യമായി ഹൂസ്റ്റണിൽ എത്തിയ മാർ. റാഫേൽ തട്ടിൽ പിതാവിന്, ഹൂസ്റ്റൺ സെന്റ്. ജോസഫ് സീറോ മലബാർ ഫൊറോനാ ഇടവകയിൽ ഉജ്ജ്വല സ്വീകരണം നൽകി.

മെയ് 30ന് ഹൂസ്റ്റൺ ഇന്റർനാഷണൽ എയർപോർട്ടിൽ എത്തിച്ചേർന്ന മേജർ ആർച്ച് ബിഷപ്പിനേയും, ഷിക്കാഗോ രൂപതാ മെത്രാൻ മാർ ജോയ് ആലപ്പാട്ടിനേയും, സെക്രട്ടറി ഫാ. ഫ്രാൻസിസ് എലവുത്തിങ്കലിനേയും, ഇടവക വികാരി ഫാ. ജോണിക്കുട്ടി പുലിശ്ശേരി, അസി. വികാരി ഫാ. ജോർജ് പാറയിൽ, കൈക്കാരന്മാരായ സിജോ ജോസ്, പ്രിൻസ് ജേക്കബ് എന്നിവർ ചേർന്ന് സ്വീകരിച്ചു.

തുടർന്ന്, പാരീഷ് കൗൺസിൽ അംഗങ്ങളുടെയും, പ്രത്യേക ക്ഷണിതാക്കളുടെയും യോഗത്തെ അഭിവന്ദ്യ മാർ. തട്ടിൽ അഭിസംബോധന ചെയ്തു. യോഗത്തിൽ രൂപതാധ്യക്ഷൻ മാർ. ജോയ് ആലപ്പാട്ട്, മേജർ ആർച്ച് ബിഷപ്പിനെ സ്വാഗതം ചെയ്തു.

മെയ് 31ന് ശനിയാഴ്ച രാവിലെ 8:45ന് സെന്റ് ജോസഫ് ഫൊറോനാ പള്ളിയങ്കണത്തിൽ എത്തിയ തട്ടിൽ പിതാവിനെ ഇടവക വികാരി ഫാ. ജോണിക്കുട്ടി പുലിശ്ശേരി, ഫാ. ജോർജ് പാറയിൽ, കൈക്കാരന്മാർ എന്നിവർ ചേർന്ന് സ്വീകരിച്ചു.

തുടർന്ന്, മേജർ ആർച്ച് ബിഷപ്പിന്റെ മുഖ്യ കാർമ്മികത്വത്തിൽ ആഘോഷമായ വി. കുർബാന അർപ്പണം നടന്നു. സാഗർ രൂപതാധ്യക്ഷൻ മാർ. ജെയിംസ് അത്തിക്കളം, ഹൂസ്റ്റൺ സെന്റ്. മേരീസ് ക്‌നാനായ ഫൊറോനാ വികാരി ഫാ. എബ്രഹാം മുത്തോലത്ത്, പെയർലാന്റ് വികാരി ഫാ. വർഗീസ് കുന്നത്ത് എന്നിവരുൾപ്പെടെ 15 ഓളം വൈദികർ സഹകാർമികരായി.

വി. കുർബാനയെ തുടർന്ന് ഇടവകയുടെ ഉപഹാരം  റഫായേൽ മാലാഖയുടെ ഐക്കൺ, വികാരി ഫാ. ജോണിക്കുട്ടി പുലിശ്ശേരി, ഫാ. ജോർജ് പാറയിൽ, കൈക്കാരന്മാരായ സിജോ ജോസ്, വർഗീസ് കല്ലുവെട്ടാംകുഴി, പ്രിൻസ് ജേക്കബ് എന്നിവർ ചേർന്ന് സമർപ്പിച്ചു.

സീറോ മലങ്കര ഇടവക വികാരി ഫാ. ബിന്നി ഫിലിപ്പ് മേജർ ആർച്ച് ബിഷപ്പിന് ആശംസകൾ നേർന്നു. സ്‌നേഹവിരുന്നോടുകൂടി മേജർ ആർച്ച് ബിഷപ്പ് തന്റെ അനുഗ്രഹ സന്ദർശന പരിപാടികൾ പൂർത്തിയാക്കി ഷിക്കാഗോയ്ക്ക് മടങ്ങി.

മാർട്ടിൻ വിലങ്ങോലിൽ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്