-20260319015540.jfif)
അമേരിക്കൻ ഫെഡറൽ റിസർവ് ചെയർമാൻ ജെറോം പവൽ, ജസ്റ്റിസ് ഡിപ്പാർട്മെന്റ് (DOJ) നടത്തുന്ന ക്രിമിനൽ അന്വേഷണം പൂര്ണമായും തീരുന്നതുവരെ താൻ സ്ഥാനമൊഴിയില്ലെന്ന് ബുധനാഴ്ച വ്യക്തമാക്കി. ഇതോടെ പലിശനിരക്കുകൾ കുറയ്ക്കണമെന്ന് ആവശ്യപ്പെടുന്ന പ്രസിഡന്റ് ഡോണൾഡ് ട്രംപിന് അനുകൂലമായ പുതിയ കേന്ദ്രബാങ്കറെ ഉടൻ നിയമിക്കാനുള്ള ശ്രമങ്ങൾക്ക് തിരിച്ചടിയാകാനാണ് സാധ്യത എന്നാണ് പൊതുവെയുള്ള വിലയിരുത്തൽ..
തന്റെ ചെയർമാൻ കാലാവധി അവസാനിച്ചാലും, പകരക്കാരനായ കെവിൻ വാർഷിനെ സെനറ്റ് സ്ഥിരീകരിക്കുന്നതുവരെ ഫെഡിന്റെ നേതൃത്വത്തിൽ തുടരാനാണ് പദ്ധതിയെന്ന് പവൽ പറഞ്ഞു. എന്നാൽ ഫെഡറൽ പ്രോസിക്യൂട്ടർ ജീനൈൻ പിറോ പവലിനെതിരായ അന്വേഷണം തുടരുന്നിടത്തോളം വാർഷിന്റെ നിയമനം തടയുമെന്ന് റിപ്പബ്ലിക്കൻ സെനറ്റർ തോം ടില്ലിസ് വ്യക്തമാക്കിയിട്ടുണ്ട്.
“അന്വേഷണം പൂർണ്ണമായും, സുതാര്യമായും അവസാനിക്കുന്നതുവരെ ഞാൻ ബോർഡ് വിടാൻ ഉദ്ദേശിക്കുന്നില്ല,” എന്ന് പവൽ മാധ്യമങ്ങളോട് പറഞ്ഞു. അന്വേഷണം അവസാനിച്ച ശേഷവും തുടരണമോ എന്നത് പിന്നീട് തീരുമാനിക്കുമെന്ന് അദ്ദേഹം കൂട്ടിച്ചേർത്തു.
പവലിന്റെ ചെയർമാൻ കാലാവധി മേയ് മധ്യത്തിൽ അവസാനിക്കുമെങ്കിലും, ഫെഡ് ബോർഡിലെ അദ്ദേഹത്തിന്റെ അംഗത്വം 2028 ജനുവരി 31 വരെ നിലനിൽക്കും. സാധാരണയായി ചെയർമാൻ കാലാവധി കഴിഞ്ഞാൽ സ്ഥാനത്ത് തുടരുന്നത് അപൂർവ്വമാണ്.
അതേസമയം പകരക്കാരന്റെ നിയമനം വൈകുകയാണെങ്കിൽ, നിയമപ്രകാരം താൻ ഇടക്കാല ചെയർമാനായി തുടരേണ്ടി വരുമെന്ന് പവൽ പറഞ്ഞു. മുമ്പും ഇത്തരത്തിലുള്ള സാഹചര്യം ഉണ്ടായിട്ടുണ്ടെന്നും അദ്ദേഹം ഓർമ്മിപ്പിച്ചു.
എന്നാൽ ട്രംപും ഫെഡും തമ്മിലുള്ള ബന്ധം കഴിഞ്ഞ ഒരു വർഷമായി കടുത്ത സംഘർഷത്തിലാണ്. പലിശനിരക്ക് കുറയ്ക്കാത്തതിനെതിരെ ട്രംപ് പലവട്ടം ഫെഡിനെ വിമർശിക്കുകയും, പവലിനെ പുറത്താക്കുമെന്ന ഭീഷണി ഉയർത്തുകയും ചെയ്തിരുന്നു.
ഫെഡിന്റെ വാഷിംഗ്ടൺ ആസ്ഥാനത്തിന്റെ നവീകരണ ചെലവുകളുമായി ബന്ധപ്പെട്ട അന്വേഷണത്തെക്കുറിച്ച് പവൽ ശക്തമായി പ്രതികരിച്ചു. ട്രംപിന്റെ സാമ്പത്തിക നയങ്ങൾ അനുസരിക്കാത്തതിനാണ് ഫെഡിനെ ശിക്ഷിക്കുന്നതെന്നായിരുന്നു അദ്ദേഹത്തിന്റെ ആരോപണം.
ഒരു യു.എസ്. ജഡ്ജിയും ഇതേ നിലപാടിനെ പിന്തുണച്ചു. “പ്രസിഡന്റിനെ അസന്തോഷപ്പെടുത്തിയത് ഒഴികെ പവൽ കുറ്റം ചെയ്തുവെന്നതിന് സർക്കാർ യാതൊരു തെളിവും നൽകിയിട്ടില്ല,” എന്ന് ജഡ്ജി ജെയിംസ് ബോസ്ബർഗ് പറഞ്ഞു.
ഫെഡിനെതിരായ നിയമ നടപടികൾ കേന്ദ്രബാങ്കിന്റെ സ്വാതന്ത്ര്യത്തെ ബാധിക്കുന്നതായാണ് വ്യാപകമായ വിലയിരുത്തൽ. പലിശനിരക്കുകൾ പോലുള്ള സാമ്പത്തിക നയങ്ങൾ രാഷ്ട്രീയ ഇടപെടലുകളിൽ നിന്ന് സ്വതന്ത്രമായി തീരുമാനിക്കാനാണ് കോൺഗ്രസ് ഫെഡിന് അധികാരം നൽകിയിരിക്കുന്നത്.
പൊതുവെ, തിരഞ്ഞെടുക്കപ്പെട്ട നേതാക്കളുടെ നേരിട്ടുള്ള നിർദേശപ്രകാരം പ്രവർത്തിക്കുന്ന കേന്ദ്രബാങ്കുകൾക്ക് ഉയർന്ന പണപ്പെരുപ്പം പോലുള്ള മോശം സാമ്പത്തിക ഫലങ്ങൾ ഉണ്ടാകാനുള്ള സാധ്യത കൂടുതലാണെന്ന് സാമ്പത്തിക വിദഗ്ധർ ചൂണ്ടിക്കാട്ടുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260319022143.jpg)
-20201011060831.jpg)
-20260319015636.jpg)
-20201011062608.jpg)
-20260302012446.jpeg)
