ന്യൂയോർക്ക്: മെയ് മാസത്തിൽ അമേരിക്കയിൽ ഉടനീളം ഷോയുമായി എത്തുന്ന അനു സിത്താര ആൻഡ് ടീമിന്റെ ഷോകളുടെ ടിക്കറ്റ് വിതരണ ഉദ്ഘാടനം ന്യൂയോർക്കിലെ സിത്താർ പാലസിൽ കൂടിയ യോഗത്തിൽ ഫൊക്കാന പ്രസിഡന്റ് സജിമോൻ ആന്റണി നിർവഹിച്ചു.  

അമേരിക്കയിൽ നിന്നും മധുനുകരുന്ന തേൻവണ്ടുകൾപോലെ കിളികൊഞ്ചലിന്റെ കുളിർനാദവുമായി എത്തുന്ന അനു സിത്താര മെഗാ ഷോ. പഴയതുപോലെ സ്റ്റേജ് ഷോകളുടെ ഒരു പൂക്കാലം തന്നെ തിരിച്ചു വരുന്നു. 

ചിരിക്കാനും ചിന്തിക്കാനുമുള്ള സ്‌ക്രിപ്റ്റുകളും  തമാശകൾ കേട്ട് കാണികളെ പ്രകമ്പനം കൊള്ളിക്കാനും അനു സിത്താരയുടെ പത്തു അംഗ ടീം മെയ് മാസത്തിൽ അമേരിക്കയിൽ ഉടനീളം യാത്ര ചെയ്യുമ്പോൾ നിങ്ങൾക്കും നിങ്ങളുടെ സ്ഥലത്തു ഈ ഷോക്ക് വേണ്ടി ബുക്ക് ചെയ്യാം.

സ്‌കൂൾ കലോൽസവ വേദികളിലൂടെ ശ്രദ്ധിക്കപ്പെട്ട നർത്തകിയായി സിനിമയിലെത്തിയ നടി അനു സിത്താര, ഏഷ്യാനെറ്റിലെ ബഡായി ബംഗ്ലാവിലൂടെ പ്രേക്ഷകരുടെ മനം കവർന്ന മോഡലും ടെലിവിഷൻ അവതാരകയും നടിയുമായ ആര്യ, അനുഗ്രഹീത ഗായകൻ വിപിൻ സേവ്യർ, ടെലിവിഷൻ ഷോകളിലൂടെ മികച്ച പ്രകടനം കാഴ്ചവയ്ക്കുന്ന മിമിത്രി കലാകാരൻ  രാജേഷ് അടിമാലി,  എന്നിവർക്കൊപ്പം കാർത്തിക, സുനുൽ പാറയ്ക്കൽ, അഖിൽ കവലിയൂർ, റോണി റാഫേൽ, ജസ്റ്റിൻ പോൾ തുടങ്ങിയവരും അണിനിരക്കുന്ന മെഗാ ഷോ ആണ് 'സിനി ഫ്യൂഷൻ2026'. കണ്ടവർ ഒരേ സ്വരത്തിൽ നല്ല അഭിപ്രായം പറഞ്ഞ ഷോ.

ടിക്കറ്റ് വിതരണ ഉദ്ഘാടന വേളയിൽ പ്രസിഡന്റ് സജിമോൻ ആന്റണി, സെക്രട്ടറി ശ്രീകുമാർ ഉണ്ണിത്താൻ, ട്രഷർ ജോയി ചാക്കപ്പൻ, റീജണൽ വൈസ് പ്രസിഡന്റ് ആന്റോ വർക്കി, നാഷണൽ കമ്മിറ്റി മെമ്പേർസായ ജീമോൻ വർഗീസ്, മത്തായി ചാക്കോ, ഫൊക്കാന ലീഡേഴ്‌സ് ആയ ഫിലിപ്പോസ് ഫിലിപ്പ്, ജോയി ഇട്ടൻ, വർഗീസ് ഉലഹന്നാൻ, രാജു ജോയി, നൈനാൻ ജേക്കബ്, ഷെമി ജേക്കബ്, ഫ്രാൻസിസ് കാരക്കാട്, ഷിബുമോൻ മാത്യു, ജിജി ടോം, അലക്‌സ് എബ്രഹാം, ലിജോ ജോൺ, ദേവസി പാലാട്ടി, ജോർജ് കുഴിയാഞ്ഞാൽ, ജോസഫ്  മാത്യു, ജോൺ മാത്യു (ജോണി), മാധ്യമ പ്രവർത്തകർ ആയ സുനിൽ ട്രൈസ്റ്റാർ, ജോർജ് ജോസഫ് തുടങ്ങി അൻപതിൽ അധികം പേര് പങ്കെടുത്തു.

അമേരിക്കൻ മലയാളികളുടെ പ്രഥമ ഫെഡറേഷനായ ഫൊക്കാനയുടെ ജീവകാരുണ്യ പ്രവർത്തനങ്ങളുടെ ഭാഗമായി ആവിഷ്‌കരിച്ചിരിക്കുന്ന ഭവന നിർമാണ പദ്ധതിക്കായി പ്രമുഖ ചലചിത്ര പ്രതിഭകൾ ഉൾപ്പെടെയുള്ളവരെ അണിനിരത്തി മെഗാ ഷോ സിനി ഫ്യൂഷൻ2026' അരങ്ങേറുന്നത്.

മെയ് രണ്ടാം തീയതി ന്യൂജേഴ്‌സിയിലും, മൂന്നാം തീയതി ന്യൂയോർക്ക് റോക്‌ലാൻഡ് കൗണ്ടിയിലും മെയ് 9 കണക്ടികട്ടിലും, 10 തീയതി ന്യൂയോർക്ക് ലോങ്ങ് ഐലണ്ടിലും, മെയ് 18 നു ഹ്യൂസ്റ്റണിലും, 18ന് ഡാളസിലും മെയ് 23 ഫ്‌ളോറിഡയിലും   ഉൾപ്പെടെ അമേരിക്കയുടെ വിവിധ ഭാഗങ്ങളിൽ ചിരിയുടെ മാലപ്പടകത്തിന് തിരികൊളുത്തുവാനും, ഡാൻസും, പാട്ടും മിമിക്രിയുമായി സന്തോഷകരമായ ഒരു സന്ധ്യ ഒരുക്കുവാനും ഓർമ്മകളിൽ എന്നെന്നും ഓർത്തിരിക്കുവാൻ  ഉള്ള ഒരു ഷോ ആയിരിക്കും എന്നകാര്യത്തിൽ സംശയം വേണ്ട.

നമ്മൾ പറയുന്ന തമാശയ മറ്റുള്ളവർക്ക് ഇഷ്ടപ്പെടുന്നുണ്ടെങ്കിൽ അതിൽ എന്തെങ്കിലും ആലോചിക്കാനുണ്ടെങ്കിൽ അതൊരു സംഭവമാണ്. ചിരി നിർത്തിയ ശേഷമുണ്ടാകുന്ന ആ ചിന്തയാണ് ആ ചിരിയുടെ ആയുസ്സ് നീട്ടുന്നത്. അതെ ഈ ഷോ കണ്ടെങ്കിൽ മാത്രമേ നിങ്ങൾക്ക് ഇത് തിരിച്ചറിയാനാവു.

കൂടുതൽ വിവരങ്ങൾക്ക് : സജിമോൻ ആന്റണി 862-438-2361

നിങ്ങളെ ഓരോരുത്തരെയും ഈ ഷോ കാണുവാൻ വേണ്ടി വിനീത പൂർവ്വം  ക്ഷണിക്കുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്