മിനിയാപോളിസ്: മുൻ ഓഫീസർ ഡെറക് ചൗവിൻ മിനിവാനിൽ നിന്ന് തന്നെ വലിച്ചിറക്കി നിലത്തിട്ടു മുതുകിൽ കാൽ മുട്ടുകൊണ്ട് അമർത്തിയെന്ന് ആരോപിച്ച് ഒരു സ്ത്രീ നൽകിയ കേസ് ഒത്തുതീർപ്പാക്കാൻ മിനിയാപൊളിസ് നഗരം 600,000 ഡോളർ നൽകാൻ സമ്മതിച്ചു.
പൊതുമരാമത്ത് വകുപ്പിൽ മുമ്പ് ജോലി ചെയ്തിരുന്ന പാറ്റി ഡേ, കഴിഞ്ഞ മെയ് മാസത്തിൽ ഫയൽ ചെയ്ത ഒരു കേസിൽ താൻ അമിതമായ ബലപ്രയോഗത്തിനും തെറ്റായ അറസ്റ്റിനും ഇരയായതായി അവകാശപ്പെട്ടു.

സംഭവദിവസം 2020 ജനുവരി 17ന് വൈകുന്നേരം താൻ മദ്യപിച്ചിരുന്നുവെന്നും, മണിക്കൂറുളോളം മഞ്ഞുവീഴ്ചയിൽ കുടുങ്ങിയിരുന്നുവെന്നും അവർ സമ്മതിച്ചു.ചൗവിനും ആ രാത്രിയിൽ അദ്ദേഹത്തിന്റെ പങ്കാളിയായ ഓഫീസർ എല്ലെൻ ജെൻസണും ഒടുവിൽ സംഭവസ്ഥലത്തെത്തി. ഡേയെ വാഹനത്തിൽ നിന്ന് ഉദ്യോഗസ്ഥർ ബലമായി വലിച്ചിഴച്ച്' നടപ്പാതയിലേക്ക് എറിഞ്ഞുവെന്നും ഇത് നിരവധി പരിക്കുകൾക്ക് കാരണമായെന്നും കേസ് ആരോപിച്ചു.

'പിന്നീട് ചൗവിൻ പാറ്റിയുടെ പിന്നിൽ കാൽമുട്ട് അമർത്തി പാറ്റിയെ നിയന്ത്രിച്ചതിനുശേഷവും അങ്ങനെ തന്നെ തുടർന്നു,' പരാതിയിൽ ആരോപിക്കുന്നു. മദ്യപിച്ച് വാഹനമോടിച്ച കുറ്റം പിന്നീട് ഒഴിവാക്കി.

മിനിയാപൊളിസ് സിറ്റി കൗൺസിൽ വ്യാഴാഴ്ച $600,000 ഒത്തുതീർപ്പിന് ഏകകണ്ഠമായി അംഗീകാരം നൽകി. കൗൺസിൽ അംഗം ലാട്രിഷ വെറ്റാവ് തന്റെ സഹപ്രവർത്തരോട് പറഞ്ഞു, $175,000 ഡേയ്ക്ക് നൽക്കും അവരുടെ അഭിഭാഷകർക്ക് $425,000 ലഭിക്കും.

ചൗവിൻ ഉൾപ്പെട്ട പോലീസ് ദുരുപയോഗ കേസുകൾ തീർപ്പാക്കാൻ നഗരം ഇപ്പോൾ $36 മില്യണിലധികം നൽകിയിട്ടുണ്ട്, ഇതിൽ $27 മില്യൺ ഫ്‌ളോയിഡ് കുടുംബത്തിന് നൽകിയതും ഉൾപ്പെടുന്നു.

'പാറ്റി സഹിച്ച കഷ്ടപ്പാടുകൾ ഒരു ഒത്തുതീർപ്പിനും ഇല്ലാതാക്കാൻ കഴിയില്ലെങ്കിലും, ഉദ്യോഗസ്ഥരെ അവരുടെ പ്രവൃത്തികൾക്ക് ഉത്തരവാദികളാക്കുന്ന ഒരു കരാറിൽ എത്തിയതിൽ ഞങ്ങൾ നന്ദിയുള്ളവരാണ്,' ഡേയുടെ അഭിഭാഷക കാറ്റി ബെന്നറ്റ് ഒരു പ്രസ്താവനയിൽ പറഞ്ഞു. 'നീതിയും പോലീസിംഗിൽ പരിഷ്‌കരണവും അനിവാര്യമാണെന്ന് തെളിയിക്കുന്ന മറ്റൊരു ഉദാഹരണമാണ് ഈ കേസ്.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്