ആദ്യത്തെ ഫോൾഡബിൾ ഐഫോൺ വിപണിയിലിറക്കാൻ ആപ്പിൾ. സാംസങ് ഗാലക്സി Z ഫ്ലിപ്പ് സീരീസിന് സമാനമായ രീതിയിലുള്ള 'ഫ്ലിപ്പ്' ഫോണായിരിക്കും ഇത്. 2026-ൻ്റെ രണ്ടാം പകുതിയോടെ പുറത്തിറങ്ങുമെന്നാണ് പ്രതീക്ഷ.

ബ്ലൂംബെർഗിന്റെ റിപ്പോർട്ട് പ്രകാരം, ക്ലാംഷെൽ (Clamshell) രീതിയിൽ മടക്കാവുന്ന ഒരു ഐഫോൺ ആപ്പിൾ തയ്യാറാക്കുന്നുണ്ട്. ഈ ഐഫോണിന് ഏകദേശം സാംസങ് ഗാലക്സി Z ഫ്ലിപ്പ് 7-ൻ്റെ അത്രയും വലിപ്പമുണ്ടാകും. വരാനിരിക്കുന്ന ഐഫോൺ ഫോൾഡിനെ കുറിച്ച് ആപ്പിളിന് ആത്മവിശ്വാസമുണ്ടെന്നും ഇത് കൂടുതൽ ഫോൾഡബിൾ ഐഫോണുകൾക്ക് ഡിമാൻഡ് സൃഷ്ടിക്കുമെന്ന് കമ്പനി വിശ്വസിക്കുന്നുവെന്നും റിപ്പോർട്ടിൽ പറയുന്നു.

ഗാലക്സി Z ഫ്ലിപ്പ് 7-നെ ഉദാഹരണമായി എടുത്താൽ, അത് മടക്കിവെക്കുമ്പോൾ 4.1 ഇഞ്ച് ഡിസ്പ്ലേയും തുറക്കുമ്പോൾ 6.9 ഇഞ്ച് ഡിസ്പ്ലേയുമാണുള്ളത്. ഏകദേശം ഇതേ മാതൃകയിലായിരിക്കും ആപ്പിളിന്റെ ഫ്ലിപ്പ് ഫോണും എത്തുക. ഇത് മടക്കി വെക്കുമ്പോൾ പോക്കറ്റിൽ എളുപ്പത്തിൽ ഒതുങ്ങുന്നതും തുറക്കുമ്പോൾ സാധാരണ ഐഫോൺ അനുഭവം നൽകുന്നതുമായിരിക്കും.

ഫോൾഡബിൾ ഫ്ലിപ്പ് ഐഫോണിൻ്റെ വിലയെക്കുറിച്ച് ഇപ്പോൾ ഔദ്യോഗിക വിവരങ്ങളൊന്നുമില്ല. എങ്കിലും, പുസ്തക രൂപത്തിൽ മടക്കാവുന്ന ഐഫോൺ ഫോൾഡിനേക്കാൾ വില കുറവായിരിക്കും ഇതിന്. 2026 സെപ്റ്റംബറിൽ പുറത്തിറങ്ങുമെന്ന് കരുതുന്ന ഐഫോൺ ഫോൾഡിന് അമേരിക്കയിലെ പ്രാരംഭ വില ഏകദേശം 2,400 ഡോളർ (ഏകദേശം 2,15,000 ഇന്ത്യൻ രൂപ) വില പ്രതീക്ഷിക്കുന്നുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്