2024ലെ ടി20 ലോകകപ്പിനുള്ള ഇന്ത്യൻ ടീമിന്റെ വൈസ് ക്യാപ്ടനായി ഹാർദ്ദിക് പാണ്ഡ്യയെ തിരഞ്ഞെടുത്തതിനെ പ്രശംസിച്ച് അജിത് അഗാർക്കർ. ഹാർദ്ദിക്കിന്റെ ഓൾറൗണ്ട് മികവിന് പകരം വയ്ക്കാനാരുമില്ലെന്ന് അഗാർക്കർ പറഞ്ഞു. ഇന്നലെ (മേയ് 2) പത്രസമ്മേളനത്തിൽ സംസാരിക്കുക ആയിരുന്നു അഗാർക്കർ.
'വൈസ് ക്യാപ്ടൻസിയുമായി ബന്ധപ്പെട്ട് ഒന്നും ചർച്ച ചെയ്തിട്ടില്ല, ഹാർദ്ദിക് മാത്രമായിരുന്നു ഞങ്ങളുടെ മുന്നിൽ വൈസ് ക്യാപ്ടനായുണ്ടായിരുന്നത്. അദ്ദേഹത്തിന്റെ ഫോമിൽ ആശങ്കയില്ല. എല്ലാവരും നല്ല ഫോമിലായിരിക്കണമെന്നാണ് ഞങ്ങൾ ആഗ്രഹിക്കുന്നത്.' അഗാർക്കർ പറഞ്ഞു.
'ഇനിയും ഒരുമാസം ലോകകപ്പിന് ഉണ്ട്. ഫിറ്റ്നസും ഫോമും മെച്ചപ്പെടുത്താൻ ചെയ്യേണ്ടത് അദ്ദേഹം അത് ചെയ്യുന്നുണ്ടെന്ന് ഞങ്ങൾക്കറിയാം. അവൻ ഫിറ്റായി തുടരുന്നിടത്തോളം കാലം, അവൻ എന്താണ് ടീമിലേക്ക് കൊണ്ടുവരുന്നതെന്നും ടീമിന് എത്രത്തോളം ബാലൻസ് അവൻ നൽകുന്നുവെന്നും ഞങ്ങൾക്കറിയാം.' അഗാർക്കർ പറഞ്ഞു.
'ഒരു ക്രിക്കറ്റ് കളിക്കാരനെന്ന നിലയിൽ അദ്ദേഹത്തിന് ഇപ്പോൾ ചെയ്യാൻ കഴിയുന്ന കാര്യങ്ങൾക്ക് പകരം വെക്കാൻ ആരുമില്ല, പ്രത്യേകിച്ച് ബൗളിംഗിന്റെ കാര്യത്തിൽ. ഹാർദ്ദിക് ടീമിൽ ഉണ്ടാകുമ്പോൾ രോഹിത്തിന് കൂടുതൽ കോമ്പിനേഷനുകൾ കളിപ്പിക്കാനുള്ള അവസരം ലഭിക്കും.' അഗാർക്കർ പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്