ന്യൂഡല്ഹി: അമേഠി, റായ്ബറേലി സീറ്റുകളില് കോണ്ഗ്രസ് സ്ഥാനാര്ത്ഥി പ്രഖ്യാപനം ഇന്ന് ഉണ്ടായേക്കും. അമേഠി വിട്ട് രാഹുല് ഗാന്ധി റായ്ബറേലിയില് മത്സരിച്ചേക്കുമെന്നാണ് സൂചന. എന്നാല് ലോക്സഭാ തിരഞ്ഞെടുപ്പില് മത്സരിക്കാനില്ലെന്ന നിലപാടിലാണ് ഇപ്പോഴും പ്രിയങ്ക ഗാന്ധി. രാഹുല് ഗാന്ധി റായ് ബറേലിയിലേക്ക് മാറുകയാണെങ്കില് മുന് കേന്ദ്രമന്ത്രിയും ഗവര്ണറുമായിരുന്ന ഷീല കൗളിന്റെ ചെറുമകന് ആശിഷ് കൗളിന് അമേഠിയില് നറുക്ക് വീണേക്കും.
മെയ് 20 നാണ് അമേഠിയിലും റായ്ബറേലിയിലും തിരഞ്ഞെടുപ്പ് നടക്കുക. മെയ് മൂന്നിനാണ് നാമനിര്ദേശ പത്രിക സമര്പ്പിക്കുവാനുള്ള അവസാന ദിവസം. അതേസമയം അസമിലെ ദുബ്രി ലോക്സഭ സ്ഥാനാര്ഥി റാഖിബുല് ഹുസൈന്റെ തിരഞ്ഞെടുപ്പ് പ്രചരണത്തിനായി കോണ്ഗ്രസ് നേതാവ് പ്രിയങ്ക ഗാന്ധി ഇന്ന് ദുബ്രിയിലെത്തും. 11 മണിക്ക് നടക്കുന്ന റാലിയില് അസമിലെ മുതിര്ന്ന കോണ്ഗ്രസ് നേതാക്കള് ഉള്പ്പെടെ പങ്കെടുക്കും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്