ലോസ് ആഞ്ചലസ് മേയർ തിരഞ്ഞെടുപ്പ്: അവസാന നിമിഷം വോട്ടുകൾ അട്ടിമറിച്ച് സോഷ്യലിസ്റ്റ് സ്ഥാനാർത്ഥി നിത്യ രാമൻ നവംബറിലെ ഫൈനലിലേക്ക്

JUNE 9, 2026, 11:45 PM

ലോസ് ആഞ്ചലസ്: യുഎസിലെ ലോസ് ആഞ്ചലസ് മേയർ തിരഞ്ഞെടുപ്പിൽ അവസാന നിമിഷം വന്നെത്തിയ ബാലറ്റുകൾ വൻ അട്ടിമറി സൃഷ്ടിച്ചതോടെ ഡെമോക്രാറ്റിക് സോഷ്യലിസ്റ്റ് സ്ഥാനാർത്ഥി നിത്യ രാമൻ നവംബറിലെ പ്രധാന മത്സരത്തിലേക്ക് യോഗ്യത നേടി.

ഇതോടെ ആദ്യഘട്ടത്തിൽ മുന്നിലായിരുന്ന റിപ്പബ്ലിക്കൻ സ്ഥാനാർത്ഥിയും പ്രശസ്ത റിയാലിറ്റി ടെലിവിഷൻ താരവുമായ സ്‌പെൻസർ പ്രാറ്റ് മത്സരത്തിൽ നിന്ന് പുറത്തായി.

ജൂൺ 2ന് നടന്ന പ്രൈമറി തിരഞ്ഞെടുപ്പിൽ നിലവിലെ മേയർ കാരൻ ബാസ് ഒന്നാം സ്ഥാനം നിലനിർത്തിയിരുന്നു. രണ്ടാം സ്ഥാനത്തിനായി സ്‌പെൻസർ പ്രാറ്റും നിത്യ രാമനും തമ്മിൽ കടുത്ത പോരാട്ടമാണ് നടന്നത്.

വോട്ടെണ്ണലിന്റെ ആദ്യ ഘട്ടങ്ങളിൽ പ്രാറ്റ് വ്യക്തമായ ലീഡ് നേടിയിരുന്നെങ്കിലും, പിന്നീട് എണ്ണിയ മെയിൽഇൻ ബാലറ്റുകൾ നിത്യ രാമന് അനുകൂലമായി മാറുകയായിരുന്നു.

കാലിഫോർണിയയിലെ നീണ്ടുനിൽക്കുന്ന വോട്ടെണ്ണൽ പ്രക്രിയയെയും സുതാര്യതയെയും ചോദ്യം ചെയ്ത് സ്‌പെൻസർ പ്രാറ്റും മുൻ പ്രസിഡന്റ് ഡൊണാൾഡ് ട്രംപും രംഗത്തെത്തിയിട്ടുണ്ട്. നവംബറിൽ നടക്കുന്ന ഫൈനൽ റൺഓഫിൽ നിലവിലെ മേയർ കാരൻ ബാസും നിത്യ രാമനും തമ്മിലാകും പ്രധാന മത്സരം.

പി പി ചെറിയാൻ