തിരുവനന്തപുരം: തിരുവനന്തപുരത്ത് ബിജെപി തൃശൂർ മോഡൽ വോട്ട് ചേർക്കൽ നടത്തുന്നുവെന്ന് മന്ത്രി വി. ശിവൻകുട്ടി.നേമം, വട്ടിയൂർക്കാവ്, കഴക്കൂട്ടം, തിരുവനന്തപുരം എന്നീ മണ്ഡലങ്ങളിലാണ് വ്യാപകമായ വോട്ടെണ്ണൽ നടക്കുന്നത്.

ന​ഗരത്തിലെ ഫ്ലാറ്റുകൾ കേന്ദ്രീകരിച്ചാണ് വോട്ട് ചേർക്കുന്നത്. ജനാധിപത്യത്തിന്റെ വഞ്ചനാപരമായ കളി നടക്കുന്നുണ്ടെന്നും ഇതുസംബന്ധിച്ച് ജില്ലാ കളക്ടർക്ക് പരാതി നൽകുമെന്നും അദ്ദേഹം പറഞ്ഞു. 

ഈ നാല് നിയമസഭാ മണ്ഡലങ്ങളിലായി 12,000-ത്തിലധികം ഫ്ലാറ്റുകളുണ്ട്. രാഷ്ട്രീയ പാർട്ടികൾക്ക് അവയിലെല്ലാം പ്രവേശിക്കാൻ കഴിയില്ല. അതിനാൽ, അടുത്തിടെ ഇവിടെ സ്ഥിരതാമസമാക്കിയത് ആരാണെന്ന് പരിശോധിക്കണമെന്ന് അദ്ദേഹം തിരഞ്ഞെടുപ്പ് കമ്മീഷനോട് ആവശ്യപ്പെട്ടു.

ഈ നാല് മണ്ഡലങ്ങളിൽ ബിജെപിയുടെ ഒരുഡസൻ നേതാക്കൾ തമ്പടിച്ചിട്ടുണ്ട്. എസ്ഐആർ വലിയ കുഴപ്പത്തിലേക്ക് പോകുന്നു. തിരുവനന്തപുരത്താണ് ഏറ്റവും അധികം വോട്ടർമാർ ഒഴിവാക്കപ്പെട്ടത്. തിരുവനന്തപുരം ന​ഗരത്തിലെ നാല് മണ്ഡലങ്ങളിലായി 22 ശതമാനത്തോളം പേർ ഒഴിവാക്കപ്പെട്ടിട്ടുണ്ടെന്നും അദ്ദേഹം പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്