തിരഞ്ഞെടുപ്പ് ഫലം അംഗീകരിച്ചിട്ടുണ്ട്; സുതാര്യത സംബന്ധിച്ച ചോദ്യങ്ങൾക്ക് രേഖാപരമായ മറുപടിയാണ് ആവശ്യപ്പെടുന്നത് - മാത്യു വർഗീസ്

ഫോമാ 2026-2028 തിരഞ്ഞെടുപ്പുമായി ബന്ധപ്പെട്ട് ഞാൻ നേരത്തെ ഉന്നയിച്ച വിഷയങ്ങൾക്ക് മറുപടിയായി ഫോമാ പ്രസിഡന്റ് ബേബി മണക്കുന്നേൽ എക്‌സിക്യൂട്ടീവ് കമ്മിറ്റിക്കുവേണ്ടി പുറത്തിറക്കിയ വാർത്താക്കുറിപ്പ് ശ്രദ്ധയിൽപ്പെട്ടു. അതിലെ ചില പരാമർശങ്ങളിൽ വ്യക്തത വരുത്തേണ്ടത് ആവശ്യമായതിനാലാണ് ഈ മറുപടി.

ഒന്നാമതായി, തിരഞ്ഞെടുപ്പിന്റെ ഔദ്യോഗിക ഫലം ഞാൻ അംഗീകരിച്ചിട്ടുണ്ട്. ഫലം മാറ്റണമെന്നോ റദ്ദാക്കണമെന്നോ ഞാൻ ആവശ്യപ്പെട്ടിട്ടില്ല. തിരഞ്ഞെടുപ്പ് നടപടികളുമായി ബന്ധപ്പെട്ട ചില ചോദ്യങ്ങൾക്ക് ലഭ്യമായ രേഖകളുടെയും ഇലക്ഷൻ റെക്കോർഡ്‌സിന്റെയും അടിസ്ഥാനത്തിലുള്ള വിശദീകരണം മാത്രമാണ് ഞാൻ ആവശ്യപ്പെട്ടത്.

45 ദിവസങ്ങൾക്ക് ശേഷം ആദ്യമായി വിഷയം ഉന്നയിച്ചതല്ല. എന്റെ ആദ്യത്തെ വിശദമായ എഴുത്തുപരമായ ഇമെയിൽ കൺവൻഷൻ കഴിഞ്ഞ് ഏകദേശം ഒരു മാസത്തിനു ശേഷമാണ് അയച്ചത്. എന്നാൽ എന്റെ ആശങ്കകൾ ആരംഭിച്ചത് അപ്പോഴല്ല.

കൺവൻഷൻ കഴിഞ്ഞ് ഏതാനും മണിക്കൂറുകൾക്കുള്ളിൽ തന്നെ തിരഞ്ഞെടുപ്പ് നടപടികളുമായി ബന്ധപ്പെട്ട എന്റെ ആശങ്കകൾ ചീഫ് ഇലക്ഷൻ കമ്മീഷണറുമായും ജുഡീഷ്യറി കമ്മിറ്റി ചെയർമാനുമായും പലതവണ സംസാരിച്ചിരുന്നു. ഈ വിഷയത്തിൽ ഇനി എന്ത് ചെയ്യണമെന്ന് ചോദിച്ചപ്പോൾ, എനിക്ക് ഉചിതമെന്ന് തോന്നുന്ന നടപടികൾ സ്വീകരിക്കാം എന്ന തരത്തിലുള്ള മറുപടിയാണ് ലഭിച്ചത്.

തുടർന്നാണ് സെപ്തംബർ 2ന് എന്റെ ചോദ്യങ്ങൾ രേഖപ്പെടുത്തി ഇലക്ഷൻ കമ്മീഷന് ഇമെയിൽ അയച്ചത്. സെപ്തംബർ 16ന് election-related electronic records, audit logs, access records, timestamps തുടങ്ങിയവ preserve ചെയ്യണമെന്നാവശ്യപ്പെട്ടും വീണ്ടും എഴുത്തിൽ സമീപിച്ചു. അതുകൊണ്ട് 45 ദിവസങ്ങൾക്ക് ശേഷം ആദ്യമായാണ് ഞാൻ വിഷയം ഉന്നയിച്ചതെന്ന ധാരണ സംഭവങ്ങളുടെ പൂർണ്ണമായ സമയക്രമം പ്രതിഫലിപ്പിക്കുന്നില്ല.

ഫലം അംഗീകരിക്കുന്നതായി എന്റെ ഇമെയിലിൽ തന്നെ വ്യക്തമാക്കിയിരുന്നു.

സെപ്തംബർ 2ലെ എന്റെ ഇമെയിൽ ആരംഭിക്കുന്നത്:

'We acknowledge and accept the officially declared results of the recent FOMAA election. This communication is not intended to challenge or alter the outcome.' എന്ന വാക്കുകളോടെയാണ്.

അതേ കത്തിൽ:

'This is not about winners or losers, nor is it a request to change the declared result.' എന്നും വ്യക്തമാക്കിയിരുന്നു. അതുകൊണ്ട് എന്റെ ലക്ഷ്യം തിരഞ്ഞെടുപ്പ് ഫലത്തെ ചോദ്യം ചെയ്യുകയല്ല; election process സംബന്ധിച്ച ചില ചോദ്യങ്ങൾക്ക് രേഖാപരമായ ക്ലാരിഫിക്കേഷൻ നേടുക എന്നതാണ്.

ഇലക്ഷൻ കമ്മീഷനോടുള്ള ബഹുമാനവും നന്ദിയും

ഈ അവസരത്തിൽ ഒരു കാര്യം പ്രത്യേകം വ്യക്തമാക്കാൻ ആഗ്രഹിക്കുന്നു. ഇലക്ഷൻ കമ്മീഷനെ കുറ്റപ്പെടുത്തുകയോ അപമാനിക്കുകയോ അവരുടെ സേവനത്തെ ചെറുതാക്കി കാണിക്കുകയോ ചെയ്യുന്നത് എന്റെ ലക്ഷ്യമല്ല.

തിരഞ്ഞെടുപ്പ് നടത്തുന്നതിനായി ഇലക്ഷൻ കമ്മീഷൻ അംഗങ്ങൾ ചെലവഴിച്ച സമയത്തെയും പരിശ്രമത്തെയും ഞാൻ ബഹുമാനിക്കുകയും അഭിനന്ദിക്കുകയും ചെയ്യുന്നു. ഫോമയ്ക്കുവേണ്ടി അവർ നൽകിയ സമയത്തിനും സേവനത്തിനും ഞാൻ നന്ദി രേഖപ്പെടുത്തുന്നു.

ഞാൻ ഉന്നയിക്കുന്ന ചോദ്യങ്ങൾ വ്യക്തിപരമായി ഇലക്ഷൻ കമ്മീഷൻ അംഗങ്ങൾക്കെതിരെയുള്ള ആരോപണങ്ങളല്ല. ഒരു സ്ഥാനാർത്ഥി എന്ന നിലയിൽ തിരഞ്ഞെടുപ്പ് നടപടികളുമായി ബന്ധപ്പെട്ട ചില കാര്യങ്ങളിൽ രേഖാപരമായ വ്യക്തത തേടുക മാത്രമാണ് എന്റെ ഉദ്ദേശ്യം.

മറുപടി ആവശ്യപ്പെട്ടത് ഇലക്ഷൻ കമ്മീഷൻനോടാണ്

എന്റെ എഴുത്തുപരമായ ചോദ്യങ്ങൾ ഇലക്ഷൻ കമ്മീഷനാണ് നൽകിയിരുന്നത്. വിഷയവുമായി ബന്ധപ്പെട്ട ആശങ്കകൾ ജുഡീഷ്യൽ കമ്മിറ്റി ചെയർമാനുമായും ചർച്ച ചെയ്തിരുന്നു.
എന്നാൽ ആ ചോദ്യങ്ങൾക്ക് ബന്ധപ്പെട്ടവരിൽ നിന്ന് point-by-point രേഖാമൂലമുള്ള മറുപടി ലഭിക്കുന്നതിന് പകരം എക്‌സിക്യൂട്ടീവ് കമ്മിറ്റി പൊതുവാർത്താ മാധ്യമത്തിലൂടെ പ്രതികരിക്കുകയായിരുന്നു.

എന്റെ കാഴ്ചപ്പാടിൽ, തിരഞ്ഞെടുപ്പ് നടത്തിപ്പുമായി ബന്ധപ്പെട്ട് ഇലക്ഷൻ കമ്മീഷനോട് ചോദിച്ച ചോദ്യങ്ങൾക്ക് ആദ്യം അവരിൽ നിന്നുതന്നെ ഔദ്യോഗികവും രേഖാമൂലമുള്ളതുമായ മറുപടി ലഭിക്കുന്നതായിരുന്നു കൂടുതൽ ഉചിതം.

അതുകൊണ്ട് എന്റെ യഥാർത്ഥ ചോദ്യങ്ങൾക്ക് ബന്ധപ്പെട്ടവരിൽ നിന്ന് രേഖകളുടെ അടിസ്ഥാനത്തിലുള്ള മറുപടി നൽകണമെന്ന അഭ്യർത്ഥന ഞാൻ ആവർത്തിക്കുന്നു.

ഔദ്യോഗിക പ്രഖ്യാപനത്തിന് മുമ്പ് റിസൽട്ട് ലഭ്യമായിരുന്നോ?

എക്‌സിക്യൂട്ടീവ് കമ്മിറ്റിയുടെ വാർത്താക്കുറിപ്പിൽ ഔദ്യോഗിക പ്രഖ്യാപനത്തിന് മുമ്പ് ഇലക്ഷൻ റിസൽട്ട് പുറത്തുപോയിട്ടില്ലെന്നും വിജയാഘോഷം പ്രഖ്യാപനത്തിനു ശേഷമാണ് നടന്നതെന്നും പറയുന്നു.

ആ പ്രസ്താവനയ്ക്ക് മറുപടിയായി ആരെങ്കിലും റിസൽട്ട് ലീക്ക്  ചെയ്തുവെന്ന നിഗമനം ഞാൻ മുന്നോട്ടുവയ്ക്കുന്നില്ല. ഞാൻ ആവശ്യപ്പെടുന്നത് ഇലക്ട്രോണിക് റെക്കോർഡ്‌സ് എന്താണ് കാണിക്കുന്നത് എന്ന വ്യക്തതയാണ്.

പ്രധാനമായും വ്യക്തമാക്കേണ്ടത്:

• ഇലക്ഷൻ കൃത്യമായി എപ്പോൾ ക്ലോസ് ചെയ്തു?
• ഫൈനൽ റിസൽട്ട് എപ്പോൾ generate/tabulate ചെയ്തു?
• റിസൽട്ട്‌സ് അഡ്മിനിസ്‌ട്രേറ്റേഴ്‌സിന് എപ്പോൾ ലഭ്യമായി?
  ആർക്കൊക്കെയാണ് അഡ്മിനിസ്‌ട്രേറ്റീവ് ആക്‌സസ് ഉണ്ടായിരുന്നത്?
• ഔദ്യോഗിക പ്രഖ്യാപനത്തിന് മുമ്പ് ഏതെങ്കിലും authorized account results access ചെയ്തിരുന്നോ?

ലഭ്യമായ ഇലക്ട്രോണിക് റെക്കോർഡ്‌സ് അടിസ്ഥാനമാക്കി ഈ ചോദ്യങ്ങൾക്ക് മറുപടി നൽകാൻ കഴിയുമെങ്കിൽ, സംശയങ്ങൾക്ക് വ്യക്തത വരുത്താനുള്ള ഏറ്റവും നല്ല മാർഗം അതായിരിക്കും.

Simply Votingനെതിരെ ഞാൻ ആരോപണം ഉന്നയിച്ചിട്ടില്ല

Simply Voting വോട്ടുകളിൽ മാറ്റം വരുത്തിയെന്നോ election result manipulate ചെയ്‌തെന്നോ ഞാൻ ആരോപിച്ചിട്ടില്ല.

എന്റെ ചോദ്യം 2026 ഫോമാ ഇലക്ഷനിൽ Simply Voting system എങ്ങനെ അഡ്മിനിസ്ട്രർ ചെയ്തു എന്നതിനെക്കുറിച്ചാണ്.

അതുകൊണ്ടാണ് ബന്ധപ്പെട്ട audit information, logs, timestamps, administrator-access information തുടങ്ങിയ eletcronic records preserve ചെയ്യണമെന്നും ലഭ്യമായ പരിധിയിൽ പരിശോധിക്കണമെന്നും ഞാൻ ആവശ്യപ്പെട്ടത്.

Live Results functionaltiy 2026 FOMAA electionൽ enable ചെയ്തിരുന്നോ, enable ചെയ്തിരുന്നെങ്കിൽ അതിന് authorization ഉണ്ടായിരുന്നോ, enable ചെയ്തിരുന്നില്ലെങ്കിൽ election close ചെയ്ത സമയത്തിനും ഔദ്യോഗിക പ്രഖ്യാപനത്തിനുമിടയിൽ results access ചെയ്തിട്ടുണ്ടോ എന്നതിലും രേഖാപരമായ വ്യക്തതയാണ് ഞാൻ തേടുന്നത്.

Waiver സംബന്ധിച്ച ചോദ്യം

ഫലം പ്രഖ്യാപിക്കുന്നതിന് മുമ്പ് സ്ഥാനാർത്ഥികളോട് waiver ഒപ്പിടാൻ ആവശ്യപ്പെട്ടതിന്റെ ഉദ്ദേശ്യം എന്തായിരുന്നു എന്നതും എന്റെ ആദ്യത്തെ ചോദ്യങ്ങളിൽ ഒന്നായിരുന്നു.

Executive Committee-യുടെ വാർത്താക്കുറിപ്പിൽ, ഫലം അംഗീകരിക്കാനും പിന്നീട് പരാതികളോ നിയമനടപടികളോ ഉണ്ടാകാതിരിക്കാനുമാണ് waiver ഒപ്പിട്ടു വാങ്ങുന്നതെന്ന് വിശദീകരിച്ചിട്ടുണ്ട്.

അങ്ങനെയെങ്കിൽ, സ്ഥാനാർത്ഥികൾക്ക് ഫലം അറിയുന്നതിന് മുമ്പ് തന്നെ അത്തരമൊരു waiver ഒപ്പിടാൻ ആവശ്യപ്പെട്ടതിന്റെ കാരണം എന്തായിരുന്നു എന്നതാണ് എന്റെ ചോദ്യം.

Waiverന്റെ കോപ്പിയും അതിലെ കൃത്യമായ terms and conditionsഉം നൽകണമെന്നും ഞാൻ ആവശ്യപ്പെട്ടിട്ടുണ്ട്.

Records preserve ചെയ്യണമെന്ന ആവശ്യം

സെപ്തംബർ 16ലെ എന്റെ കത്തിൽ election സംബന്ധിച്ച logs, reports, access information, electronic data തുടങ്ങിയവ preserve ചെയ്യണമെന്ന് പ്രത്യേകം ആവശ്യപ്പെട്ടിരുന്നു.

അതിന്റെ ലക്ഷ്യം വളരെ ലളിതമാണ്: ഫലം എപ്പോൾ ലഭ്യമായി, ആർക്കാണ് authorized access ഉണ്ടായിരുന്നത്, എപ്പോൾ access ചെയ്തു എന്നതിന്റെ documented and verifiable timeline സ്ഥാപിക്കുക.

ഇത് ആരെയെങ്കിലും കുറ്റപ്പെടുത്താനുള്ള ആവശ്യമല്ല; ലഭ്യമായ രേഖകളിലൂടെ വസ്തുതകൾ വ്യക്തമാക്കാനുള്ള അഭ്യർത്ഥനയാണ്.

എന്റെ നിലപാട് വ്യക്തമാണ്

ഞാൻ തിരഞ്ഞെടുപ്പ് ഫലം അംഗീകരിച്ചിട്ടുണ്ട്. Result മാറ്റാനോ റദ്ദാക്കാനോ ആവശ്യപ്പെട്ടിട്ടില്ല. Simply Voting election manipulate ചെയ്തുവെന്ന് ആരോപിച്ചിട്ടില്ല. ഏതെങ്കിലും വ്യക്തി result leak ചെയ്തുവെന്ന നിഗമനവും ഞാൻ മുന്നോട്ടുവയ്ക്കുന്നില്ല.

ഇലക്ഷൻ കമ്മീഷൻ അംഗങ്ങളെ ഞാൻ ബഹുമാനിക്കുകയും അവരുടെ സമയത്തിനും സേവനത്തിനും നന്ദി രേഖപ്പെടുത്തുകയും ചെയ്യുന്നു. ഈ വിഷയം അവർക്കെതിരെയുള്ള വ്യക്തിപരമായ ആരോപണമായി കാണേണ്ടതില്ല.

ഞാൻ ആവശ്യപ്പെടുന്നത് ഒന്നു മാത്രം: ഞാൻ ഉന്നയിച്ച ചോദ്യങ്ങൾക്ക് ബന്ധപ്പെട്ടവർ ലഭ്യമായ രേഖകളുടെ അടിസ്ഥാനത്തിൽ point-by-point മറുപടി നൽകുകയും ബന്ധപ്പെട്ട electronic records സംരക്ഷിക്കുകയും ചെയ്യുക.

ഫോമാ നമ്മുടെയെല്ലാം സംഘടനയാണ്. തിരഞ്ഞെടുപ്പിൽ ആര് ജയിച്ചു, ആര് തോറ്റു എന്നതിനപ്പുറം, തിരഞ്ഞെടുപ്പ് നടപടികളിൽ അംഗങ്ങൾക്കും സ്ഥാനാർത്ഥികൾക്കും വിശ്വാസം നിലനിൽക്കേണ്ടത് പ്രധാനമാണ്.

സുതാര്യതയെക്കുറിച്ച് ചോദിക്കുന്നത് തിരഞ്ഞെടുപ്പ് ഫലത്തെ ചോദ്യം ചെയ്യുന്നതല്ല.

വാദങ്ങൾക്ക് മറുവാദം നൽകുന്നതിനേക്കാൾ, ലഭ്യമായ രേഖകൾ പരിശോധിച്ച് വസ്തുതകൾ വ്യക്തമാക്കുന്നതാണ് ഈ വിഷയത്തിന് ഏറ്റവും നല്ല മറുപടി.

മാത്യു വർഗീസ് (ജോസ്), പ്രസിഡന്റ് സ്ഥാനാർത്ഥി

FOMAA Election 2026–2028

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്