വൈദ്യുതി നിയന്ത്രണം സെപ്റ്റംബർ മാസവും തുടർന്നേക്കും

SEPTEMBER 6, 2026, 11:50 PM

തിരുവനന്തപുരം: സെപ്റ്റംബർ മാസവും വൈദ്യുതി നിയന്ത്രണം തുടർന്നേക്കും. വൈദ്യുതി പ്രതിസന്ധി രൂക്ഷമായ സാഹചര്യത്തിലാണ് സെപ്റ്റംബർ മാസവും ഇരുട്ടിൽ ആകുമെന്ന വിവരം പുറത്ത് വന്നിരിക്കുന്നത്.

കൂടിയ വിലയ്ക്ക് വാങ്ങാൻ തയ്യാറായാലും പവർ എക്‌സ്‌ചേഞ്ച് പ്രകാരം വൈദ്യുതി കിട്ടാനില്ല. രാജ്യത്തെ താപനിലയങ്ങൾ വൈദ്യുതി ഉൽപാദനം കുറച്ചതും പ്രതിസന്ധി രൂക്ഷമാക്കുന്നുണ്ട്.

ലോഡ്‌ഷെഡ്ഡിങ് പരമാവധി കുറയ്ക്കുന്നത് ജലവൈദ്യുതി ഉല്പാദനം അഞ്ചു ദശലക്ഷം വർധിപ്പിച്ചാണ്. എന്നാൽ ഡാമുകളിൽ വെള്ളം കുറഞ്ഞതും ആശങ്കയുണ്ടാക്കുന്നുണ്ട്.

പവർ കട്ട് തുടരാനാണ് ആലോചന. രാത്രികാല വൈദ്യുതി നിയന്ത്രണം കടുപ്പിച്ചേക്കുമെന്നാണ് ലഭിക്കുവന്ന വിവരം. ടെൻഡർ വിളിച്ചിട്ടും ആവശ്യത്തിന് വൈദ്യുതി കിട്ടാനുള്ള കരാർ ലഭിച്ചില്ല എന്നതും പ്രതിസന്ധിയാണ്.

ഈ മാസം മുഴുവൻ പ്രതിസന്ധി ഉണ്ടാകുമെന്നാണ് കണക്കുകൂട്ടൽ. 600 മെഗാവാട്ട് വരെ വൈദ്യുതിയുടെ കുറവാണ് ഒരു ദിവസം രേഖപ്പെടുത്തുന്നത്. പല കരാറിൽ 12 രൂപ അടക്കമാണ് കമ്പനികൾ വൈദ്യുതിക്ക് ചോദിക്കുന്നത് എന്നത് വലിയ പ്രസന്ധിയാണ് സൃഷ്ടിക്കുന്നത്.