നിപ പ്രതിരോധത്തിൽ സർക്കാറിന് വീഴ്ചയില്ലെന്ന് കെ മുരളീധരൻ

JUNE 13, 2026, 12:45 AM

തിരുവനന്തപുരം: നിപ പ്രതിരോധത്തിൽ സർക്കാറിന് വീഴ്ചയില്ലെന്ന് ആരോഗ്യമന്ത്രി കെ മുരളീധരൻ.

നിപ പ്രതിരോധവുമായി ബന്ധപ്പെട്ട് ഒരു ആന്റിവൈറൽ മെഡിസിൻ മാത്രമാണ് എത്താൻ ഉള്ളതെന്നും ഇന്ന് വൈകുന്നേരത്തിന് മുൻപ് മരുന്ന് ഡൽഹിയിൽ നിന്ന് എത്തിക്കുമെന്നും കെ മുരളീധരൻ വ്യക്തമാക്കി.

നിപ വ്യാപനം ഉണ്ടായിട്ടില്ലെന്നും ആരോഗ്യ മന്ത്രി വ്യക്തമാക്കി. ഇതുവരെ നടത്തിയ പരിശോധനകൾ എല്ലാം നെഗറ്റീവ് ആണെന്നും കെ മുരളീധരൻ അറിയിച്ചു.

പ്രതിപക്ഷത്തിന്റെ വിമർശനത്തെ രാഷ്ട്രീയമായി മാത്രമേ കാണുന്നുള്ളുവെന്നും പ്രതിപക്ഷ നേതാവിൻ്റെ വിമർശനത്തെക്കുറിച്ച് കെ മുരളീധരൻ പ്രതികരിച്ചു. വീണ് കിട്ടിയ ആയുധമായി പ്രതിപക്ഷം കാണുന്നുവെന്നും കെ മുരളീധരൻ കുറ്റപ്പെടുത്തി.

പത്തു വർഷം ഭരിച്ചു പരാജയപ്പെട്ടവർ എല്ലാത്തിലും കുറ്റം കണ്ടെത്തുമെന്നും കെ മുരളീധരൻ പറഞ്ഞു. താൻ കോഴിക്കോട് ഉണ്ടായിരുന്നുവെന്ന് ചൂണ്ടിക്കാണിച്ച കെ മുരളീധരൻ എല്ലാ നിർദ്ദേശങ്ങളും കൊടുത്ത ശേഷമാണ് തിരുവനന്തപുരത്തേക്ക് എത്തിയതെന്നും വ്യക്തമാക്കി.